Ramzaan ki raaton me ek raat "Shab-e-qadar" kehlaati hai jo bahot hi khair-o-barkat waali raat hai aur jisme ibaadat karne ko Quraan-e-kareem me hazaar (1000) maheeno se afzal bataaya gaya hai. 1000 maheeno ke 83 saal 4 maah hote hain goya is raat ki ibaadat poori zindagi ki ibaadat se zyaadah behtar hai , Aur hazaar maheeno se kitna zyaadah hai? ye sirf Allaah ko hi ma'aloom hai. Nabi-e-Akram (ﷺ) ke irshaadaat se ma'aloom hota hai k ye raat Ramzaan ke aakhiri Ashrah me hoti hai. Lihaaza is aakhri ashrah ka ek lamha bhi zaaya'a na hone den. Paanchon Namaazon ko baa-jamaa'at padhne ka ahtamaam karen,din me rozah rakhen , raat ka badaa hissa ibaadat me guzaaren ,taraaweeh aur tahajjud ka ahtamaam karen , Allaah ka zikr karen , Duaayen karen , aur Qur-aan ki tilaawat zyaadah se zyaadah karen Allaah Ta'aala farmaata hai:
بِ سۡمِ اللّٰہِ الرَّحۡمٰنِ الرَّحِیۡمِ
اِنَّاۤ اَنۡزَلۡنٰہُ فِیۡ لَیۡلَۃِ الۡقَدۡرِ ۚ ﴿ ۱﴾ وَ مَاۤ اَدۡرٰىکَ مَا لَیۡلَۃُ الۡقَدۡرِ ؕ ﴿۲﴾ لَیۡلَۃُ الۡقَدۡرِ ۬ۙ خَیۡرٌ مِّنۡ اَلۡفِ شَہۡرٍ ؕ ﴿ؔ۳﴾ تَنَزَّلُ الۡمَلٰٓئِکَۃُ وَ الرُّوۡحُ فِیۡہَا بِاِذۡنِ رَبِّہِمۡ ۚ مِنۡ کُلِّ اَمۡرٍ ۙ ﴿ۛ۴﴾ سَلٰمٌ ۟ۛ ہِیَ حَتّٰی مَطۡلَعِ الۡفَجۡرِ ٪﴿۵
MATLAB AUR MAFHOOM
Beshak hamne Qur-aan Paak ko Shab-e-Qadar me utaaraa hai , ya'ani Quraan-e-Kareem ko Loh-e-Mehfooz se Aasmaan-e-duniya par is raat me utaara hai . Aapko kuchh ma'aloom bhi hai ki Shab-e-Qadar kaisi Azeem-ush-shaan hai , ya'ani is raat ki badaai aur fazeelat aapko ilm bhi hai, kitni khoobiyaan aur kis qadar fazaail isme hain. iske ba'ad chand fazaail ka zikr farmaate hain , Shab-e-Qadar hazaar maheeno se behtar hai , ya'ani hazaar maheeno tak ibaadat karne ka jitna sawaab hai isse zyaadah Shab-e-Qadar ki ibaadat ka hai aur kitna zyaadah hai? Ye Allaah hi ko ma'aloom hai. Is raat me farishte aur Hazrat Jibraeel Apne Parwardigaar ke hukm se har amr-e-khair ko lekar zameen ki taraf utarte hain. Aur ye khair-o-barkat fajr ke tuloo hone tak rehti hai.
Surah AL-ALAQ ki ibtadaai chand aayaat
(.اِقۡرَاۡ بِاسۡمِ رَبِّكَ الَّذِىۡ خَلَقَۚ ...) se Quraan-e-Kareem ke nazool ka aaghaaz hua , iske ba'ad aane waali AL-QADAR me bayaan kiya k ye Quraan-e-Kareem Ramzaan ki baa-barkat raat me utraa hai , jaisake surah AD-DUKHAAN ki aayat n. 3
(.اِنَّاۤ اَنۡزَلۡنٰهُ فِىۡ لَيۡلَةٍ مُّبٰـرَكَةٍ اِنَّا كُنَّا مُنۡذِرِيۡنَ)
Surah AL-BAQARAH ki aayat 185
(شَهۡرُ رَمَضَانَ الَّذِىۡٓ اُنۡزِلَ فِيۡهِ الۡقُرۡاٰنُ )
me ye mazmoon saraahat ke saath moujood hai.
Shab-e-Qadar ke 2 ma'aney hain :
Ek ye k ye woh raat hai jisme taqdeeron ke faisle kiye jaate hain jaisa k surah AD-DUKHAAN aayat n. 4 me hai
(.فِيۡهَا يُفۡرَقُ كُلُّ اَمۡرٍ حَكِيۡمٍۙ )
ya'ani is raat me har hikmat waale kaam ka faisla kiya jaata hai.
Doosre ma'any ye hain k ye badi Qadr-o-manzilat aur Azmat-o-sharf waali raat hai.
Is raat me Quraan-e-kareem ke naazil hone ka matlab Loh-e-Mehfooz se Aasmaan-e-dunya par utarna hai ya is raat me poora quraan-e-kareem haamil wahi farishton ke hawaale kiya jaana muraad hai ya ye matlab hai k Quraan-e-kareem ke nazool ki ibtidaa is raat me hui aur phir waaqi'aat aur haalaat ke mutaabiq waqtan-fouqtan 23 saal ke arse me Nabi-e-Akram (ﷺ) par naazil hua.
SHAB-E-QADAR KI FAZEELAT AHAADEES KI ROSHNI ME
Rasoolullaah (ﷺ) ne irshaad farmaaya: Jo shakhs shab-e-qadar me imaan ke saath aur sawaab ki niyat se (ibaadat ke liye) khada ho , uske pichhle tamaam gunaah muaaf ho jaate hain.(Bukhaari-o-Muslim)
Khade hone ka matlab ; Namaaz padhna, tilaawa-e-Qur-aan aur zhikr waghairah me mashghool hona hai , Sawaab ki ummeed rakhne ka matlab ye hai k shohrat aur dikhaawe ke liye nahi balki khaalis Allaah ki razaa haasil karne ke liye amal karna hai.
Rasoolullaah (ﷺ) ne irshaad farmaaya : Tumhaare ooper ek maheena aaya hai jisme ek raat hai jo hazaar maheeno se afzal hai jo shakhs is raat se mehroom reh gaya goya saare hi khair se mehroom reh gaya aur iski bhalaai se mehroom nahi rehta magar woh shakhs jo haqeeqatan mehroom hi hai. (Ibn-e-Maaja)
Rasoolullaah (ﷺ) ne farmaaya : Shab-e-qadar ko ramzaan ke akheer ashrah ki Taaq raaton me talaash kiya karo. (Bukhaari)
(Mazhkoorah Hadees ke mutaabiq , Shab-e-Qadar ki talaash 21vi, 23vi, 25vi, 27vi, 29vi Raaton me karni chahiye)
Ba'az Ahaadees se Shab-e-qadar ka 27vi shab me hone ka irshaad milta hai, albatta deegar ahaadees me doosri raat ka bhi zhikr milta hai , lihaaza hame aakhiri ashrah ki har raat me ibaadat karni chahiye.
Hazrat Aishaؓ ) ne Huzoor-e-Akram (ﷺ) se poochha k Ya Rasoolullaah ! Agar mujhe Shab-e-Qadar ka pata na chale to kya Duaa maangu? Huzoor-e-Akram (ﷺ) ne irshaad farmaaya :
Padho : اللَّهُمَّ إِنَّكَ عَفُوٌّ تُحِبُّ العفْوَ فاعْفُ عنِّي
Ae Allaah ! Tu beshak muaaf karne waala hai aur pasand karta hai muaaf karne ko ,pas mujhe bhi muaaf farmaa de.(Masnad Ahmad ,Ibn-e-Maaja , Tirmizi)
SHAB-E-QADAR KI AHAM ALAAMATEN
Shab-e-Qadar ki aham alaamaten kutub Ahaadees me mazhkoor hain :
*Ye raat chamak-daar aur saaf hoti hai. (Saheeh-ul-Jaama'a)
*Is raat ki subah ko sooraj aise hota hai jaise k thaali (plate). (Saheeh Muslim)
*Is raat me Baarish bhi ho sakti hai. (Saheeh Al-Bukhaari)
*Is raat ki subah ko sooraj ke buland hone tak uski shuaa'a nahi hoti. (Saheeh Muslim)
*Is raat ka chaand nikalta hai to aise hota hai jaise bade thaal ka kinaarah. (Saheeh Muslim)
*Lailatul-Qadr aasaan-o-mo'atadil raat hai jisme na Garmi hoti hai aur na hi Sardi. (Ibn-e-Khazeema)
*Iski Subah ko Sooraj is tarah tuloo hota hai k iski surkhi maddham hoti hai. (Ibn-e-Khazeema)
NOTE: Ikhtilaaf-e-mutaal'aa ke sabab mukhtalif mulkon aaur shehron me Shab-e-Qadar mukhtalif dino me ho to isme koi ashkaal nahi kyonki har jagah ke aitabaar se jo raat Shab-e-qadar qaraar paayegi us jagah usi raat me Shab-e-Qadar ki barkaat haasil hongi . Inshaa,a Allaah.
Az:🖋 Mufti najeeb qasmi
SHAB-E-QADAR KI KHURAAFAAT
Is raat se muta'alliq logon me chand ghalat baaten mash-hoor hain maslan:
*Is raat Kutte nahi bhokte, Gadhe kam bolte hain.
*Samundar ka khaara paani bhi meetha ho jaata hai.
*Darakht Zameen ko Sajdah karte hain phir apni jagah laut jaate hain.
*Har jagah roshni hi roshni hoti hai, is din Shaitaan Sooraj ke saath nahi nikal sakta waghairah waghairah
شب قدر کی فضیلت
رمضان کی راتوں میں ایک رات شبِ قدر کہلاتی ہے جو بہت ہی خیر وبرکت والی رات ہے اور جس میں عبادت کرنے کو قرآن کریم (سورۂ القدر) میں ہزار مہینوں سے افضل بتلایا گیا ہے۔ ہزار مہینوں کے ۸۳ سال اور ۴ ماہ ہوتے ہیں۔ گویا اِس رات کی عبادت پوری زندگی کی عبادت سے زیادہ بہتر ہے۔ اور ہزار مہینوں سے کتنا زیادہ ہے ؟ یہ صرف اللہ ہی کو معلوم ہے۔نبی اکرم صلی اللہ علیہ وسلم کے ارشادات سے معلوم ہوتا ہے کہ یہ رات رمضان کے آخری عشرہ میں ہوتی ہے۔ لہذا اِس آخری عشرہ کا ایک لمحہ بھی ضائع نہ ہونے دیں۔ پانچوں نمازوں کو جماعت سے پڑھنے کا اہتمام کریں،دن میں روزہ رکھیں، رات کا بڑا حصہ عبادت میں گزاریں، تراویح اور تہجد کا اہتمام کریں، اللہ تعالیٰ کا ذکر کریں۔ اپنے اور امت مسلمہ کے لئے دعائیں کریں۔ قرآن کی تلاوت زیادہ سے زیادہ کریں۔
بے شک ہم نے قرآن پاک کو شبِ قدر میں اتارا ہے ،یعنی قرآن شریف کو لوحِ محفوظ سے آسمانِ دنیا پر اِس رات میں اتارا ہے۔ آپ کو کچھ معلوم بھی ہے کہ شب قدر کیسی بڑی چیز ہے ، یعنی اس رات کی بڑائی اور فضیلت کا آپ کو علم بھی ہے ، کتنی خوبیاں اور کس قدر فضائل اس میں ہیں۔ اس کے بعد چند فضائل کا ذکر فرماتے ہیں، شب قدر ہزار مہینوں سے بہتر ہے، یعنی ہزار مہینوں تک عبادت کرنے کا جتنا ثواب ہے اس سے زیادہ شبِ قدر کی عبادت کا ہے، اور کتنا زیادہ ہے؟ یہ اللہ ہی کو معلوم ہے۔ اس رات میں فرشتے اور حضرت جبرئیل علیہ السلام اترتے ہیں۔ اپنے پروردگار کے حکم سے ہر امر خیر کو لے کر زمین کی طرف اترتے ہیں۔ اور یہ خیر وبرکت فجر کے طلوع ہونے تک رہتی ہے۔
سورۂ العلق کی ابتدائی چند آیات (اِقْرَاْ بِسْمِ رَبِّکَ الَّذِیْ خَلَق....) سے قرآن کریم کے نزول کا آغاز ہوا۔ اس کے بعد آنے والی سورۂ القدر میں بیان کیا کہ یہ قرآن کریم رمضان کی بابرکت رات میں اتراہے، جیساکہ سورۂ الدخان کی آیت ۳ (اِنَّا اَنْزَلْنَاہٗ فِیْ لَےْلَۃٍ مُّبَارَکَۃٍ)
اور سورۂ البقرہ کی آیت ۱۸۵ (شَہْرُ رَمَضَانَ الَّذِیْ اُنْزِلَ فیہ القرآن) میں یہ مضمون صراحت کے ساتھ موجود ہے۔
شب قدر کے دو معنی ہیں اور دونوں ہی یہاں مقصود ہیں۔ ایک یہ کہ یہ وہ رات ہے جس میں تقدیروں کے فیصلے کئے جاتے ہیں جیسا کہ سورۂ الدخان آیت ۴ میں ہے: اسی رات میں ہر حکمت والے کام کا فیصلہ کیا جاتا ہے۔ دوسرے معنی یہ ہیں کہ یہ بڑی قدر ومنزلت اور عظمت وشرف رکھنے والی رات ہے۔
اس رات میں قرآن کریم کے نازل ہونے کا مطلب لوح محفوظ سے آسمانِ دنیا پر اترنا ہے یا اس رات میں پورا قرآن کریم حامل وحی فرشتوں کے حوالہ کیا جانا مراد ہے یا یہ مطلب ہے کہ قرآن کریم کے نزول کی ابتدا اس رات میں ہوئی اور پھر واقعات اور حالات کے مطابق وقتاً فوقتاً ۲۳ سال کے عرصہ میں نبی اکرم صلی اللہ علیہ وسلم پر نازل ہوا۔
اس رات کی فضیلت واہمیت کے متعلق متعدد احایث کتب احادیث میں موجود ہیں، یہاں اختصار کی وجہ سے چند احادیث ذکر کررہا ہوں، اللہ تعالیٰ ہم سب کو عمل کرنے والا بنائے، آمین-
رسول اللہ صلی اللہ علیہ وسلم نے ارشاد فرمایا : جو شخص شبِ قدر میں ایمان کے ساتھ اور ثواب کی نیت سے (عبادت کے لئے) کھڑا ہو، اس کے پچھلے تمام گناہ معاف ہوجاتے ہیں۔ (بخاری ومسلم) کھڑے ہونے کا مطلب: نماز پڑھنا، تلاوتِ قرآن اور ذکر وغیرہ میں مشغول ہونا ہے۔ ثواب کی امید رکھنے کا مطلب یہ ہے کہ شہرت اور دکھاوے کے لئے نہیں بلکہ خالص اللہ کی رضا حاصل کرنے کے لئے عمل کرنا ہے۔
رسول اللہ صلی اللہ علیہ وسلم نے ارشاد فرمایا : تمہارے اوپر ایک مہینہ آیا ہے جس میں ایک رات ہے جو ہزار مہنیوں سے افضل ہے۔ جو شخص اس رات سے محروم رہ گیا گویا سارے ہی خیر سے محروم رہ گیا، اور اس کی بھلائی سے محروم نہیں رہتا مگر وہ شخص جو حقیقۃً محروم ہی ہے۔ (ابن ماجہ)
رسول اللہ صلی اللہ علیہ وسلم نے ارشاد فرمایا : شبِ قدر کو رمضان کے اخیر عشرہ کی طاق راتوں میں تلاش کیا کرو۔ (بخاری)مذکورہ حدیث کے مطابق ‘ شب قدر کی تلاش ۲۱ ویں ، ۲۳ ویں، ۲۵ ویں، ۲۷ ویں، ۲۹ ویں راتوں میں کرنی چاہئے۔
حضرت عائشہؓ نے حضور اکرم صلی اللہ علیہ وسلم سے پوچھا کہ یا رسول اللہ اگر مجھے شب قدر کا پتہ چل جائے تو کیا دعا مانگوں؟ حضور اکرم صلی اللہ علیہ وسلم نے ارشاد فرمایا: پڑھو: اللَّهُمَّ إِنَّكَ عَفُوٌّ تُحِبُّ العفْوَ فاعْفُ عنِّي (اے اللہ تو بیشک معاف کرنے والا ہے اور پسند کرتا ہے معاف کرنے کو ، پس مجھے بھی معاف فرمادے ۔ (مسند احمد ، ابن ماجہ، ترمذی)
شب قدر کی دو اہم علامتیں:
شب قدر کی دو اہم علامتیں کتب احادیث میں مذکور ہیں: ایک یہ کہ رات نہ بہت زیادہ گرم اور نہ بہت زیادہ ٹھنڈی ہوتی ہے اور دوسری علامت یہ ہے کہ شب قدر کے بعد صبح کو سورج کے طلوع ہونے کے وقت سورج کی شعاعیں یعنی کرنیں نہیں ہوتی ہیں۔
نوٹ: اختلافِ مطالع کے سبب مختلف ملکوں اور شہروں میں شبِ قدر مختلف دنوں میں ہو تو اس میں کوئی اشکال نہیں، کیونکہ ہر جگہ کے اعتبار سے جو رات شبِ قدر قرار پائے گی اُس جگہ اُسی رات میں شبِ قدر کی برکات حاصل ہوں گی ، انشاء اللہ۔
از 🖋: محمد نجیب سنبھلی قاسمی
