SALAAT UL HAAJAT
HAZRAT ABDULLAAH BIN ABEE AUFEE Rz. kehte hain ki HUZOOR S.A.W. ne irshaad farmaaya ki jisko koi zaroorat ALLAAH TA,AALA se paish aaye to woh Wuzu kare aur achchha Wuzu kare phir 2 rakat namaaz adaa kare phir HAQ TA,AALA ki SANA kare aur DAROOD SHAREEF padhe phir ye duaa padhe:-
LAA ILAAHA ILLALLAAHULHALEEMULKAREEMU SUBHAANALLAAHI RABBIL ARSHIL AZEEM.ALHUMDULILLAAHI RABBIL AALAMEEN. ALLAAHUMMA INNEE AS,ALUKA MUJIBAATI RAHMATIKA WA AZAAIMA MAGHFIRATIKA WAL GHANEEMATA MIN KULLI BIRRIN WASSALAAMATA MIN KULLI ITMU LAA TADA,A LEE ZANBAN ILLAA GHAFARTAHOO WALAA HAMMAN ILLAA FARAJTAHOO WALA HAAJATAN HIYA LAKA RAZAN ILLAA QAZAITAHAA YAA ARHAMARRAAHIMEEN. (TIRMIZEE)
TARJUMA:-Nahi hai koi ma,abood siwaay Allaah Ta,aala ke jo Haleem aur Kareem hai, Paak hai Arshe Azeem ka Rab hai har qism ki taareef Allaah Rabbul Aalameen ke liye khaas hai.A,Allaah!Mai sawaal karta hun aapki Rehmat ke mojjibaat ka aur Aapki maghfirat ke iraadon ka aur har neki ke Maal e Ghaneemat ka aur har Buraai se salaamati ka, hamaare kisi gunaah ko na chhodiye magar bakhsh deejiye aur na hamaara koi gham baaqi rakhiye magar usko door farmaa deejiye aur Hamaari har Haajat ko jisse aap Raazi hon usko poori kar deejiye.
NOTE:- Har Duaa ke qabl aur baad Darood Shareef padh lena Dua ki Qubooliyat ka nihaayat qawee zariya hai.
Ahqar arz karta hai ki jab bhi koi pareshaani Duniya ya Aakhirat ki aaye,Jismaani museebat ho ya Roohaani museebat kuchh bhi pareshaani ho 2 rakat namaaz padhkar mazkoorah Duaa padhkar baar-baar har roz dil se Duaa kare InshaAllah ghaib se asbaab Falaah paidaa honge jiska dil chaahe apne Rab se Nusrat aur Karam ka inaam haasil kare.
