SAFAR KI SUNNATEN
1-Jahaan tak ho sake safar me kam az kam 2 aadmi jaayen.Tanhaa aadmi safar na kare Albatta zaroorat aur majboori me koi harz nahi ki tanhaa aadmi safar kare.
2-Sawaari ke liye rakaab me paanv rakhe to BISMILLAAH kahen.
3-Sawaari par achchhi tarah baith jaayen to 3 martaba ALLAAHU AKBAR kahenphir ye duaa padhen:-
ALHUMDULILLAAHI SUBHAANALLAZEE SAKHKHARA LANAA HAAZAA WAMAA KUNNAA LAHOO MUQRINEENA WA INNAA ILAA RABBANAA LAMUNQALIBOON
TARJUMA:-Shukr hai Allaah ka, Paaki hai us zaat ke liye jisne isko hamaare qabze men kar diya aur ham to usko apne qaaboo me karne waale na the aur ham parwardigaar ki taraf zaroor lautne waale hain,
4-Phir ye duaa padhen:-
ALLAAHUMMA HAWWAN ALAINAA HAAZASSAFARA WATVI,ANNAA BA,ADAH. ALLAAHUMMA ANTASSAAHIBU FISSAFARI WALKHALEEFATU FILAHLI ALLAAHUMMA INNEE AOOZUBIKA MINWW,ASAAISSAFARI WAKAABATILMANZARI WASOOILMUNQALABI FILMAALI WALAHLI WALWALADI.
TARJUMA-A, Allaah aasaan kar deejiye ham par is safar ko aur tay kar deejiye ham par daraazi iski,A,Allaah aap hi rafeeq e safar hain,safar me aur khabar geeraan hain ghar baar me, Ya Allaah mai panaah chahta hoon aapki safar ki mushaqqat se aur buri haalat dekhne se aur waapis aakar buri haalat paane se maal me , ghar me aur bachchon me.
5-Musaafirat me theherne ki zaroorat paish aaye to to sunnat ye hai ki raaste se hat kar qayaam kare,raaste me padaav na daale ki aane-jaane waalon ka raasta ruke aur unko takleef ho.
6-Safar ke dauraan jab sawaari bulandi par chadhe to 3 martaba ALLAAHU AKBAR kahen.
7-Jab sawaari Nasheeb ya pasti me utarne lage to 3 martaba SUBHAANALLAAH kahen..
8-Jis sheher ya gaanv me jaane ka iraadah ho use jab door se dekhlen to 3 martaba ye duaa padhen:-
ALLAAHUMMA BAARIK LANAA FEEHAA
TARJUMA:-A, ALLAAH barkat de hame is sheher me.
9-Aur jab sheher me daakhil hone lage to ye Duaa padhen:-
ALLAAHUMMARZUQNAA JANAAHAA WAHABBIBNAA ILAA AHLIHAA WA HABBIB SAALIHEE AHLIHAA ILAINAA.
TARJUMA:-Ya ALLAAH naseeb ki-eejiye hame samraat iske aur azeez kar deejiye hame ahl e sheher ke nazdeek aur Muhabbat deejiye hame is sheher ke nek logon ki.
10-RASOOL ALLAAH S.A.W. ka irshaad hai ki jab safar ki zaroorat poori ho jaaye to apne ghar laut aaye ,baahar safar me bilaa zaroorat thehernaa achchha nahi.
11-Door daraaz ke safar se bhut dino baad laute to sunnat ye hai ki achaanak ghar me daakhil na ho balki apne aane ki khabar kare aur kuchh der baad ghar me daakhil ho , Aise hi zyaadah raat gaye agar der se ghar aaye to usi waqt ghar me na jaaye balki behtar hai ki Subah makaan me jaaye Albatta ahl e khaana tumhaare der se aane se aagah ho aur unko tumhaara intizaar bhi ho to usi waqt ghar me daakhil hone me koi harz nahi, in masnoon tareeqon par Amal karne se deen v duniyaa ki bhalaai haasil hogi.
12-Safar me Kutta aur ghunghru saath rakhne ki mumaaniat aayi hai kyonki inki wajah se Shaitaan peechhe lag jaata hai aur safar ki barkat jaati rehti hai.
13-Safar se laut kar aane waale ke liye ye masnoon hai ki ghar men Daakhil hone se pehle masjid me jaakar 2 rakat namaaz padhen.
14-Jab safar se waapis aaye to ye duaa padhe:-
AAIBOONA TAAIBOONA AABIDOONA LIRABBINAA HAAMIDOONA.
TARJUMA:-Ham lautne waale hain,Tauba karne waale hain,Allaah ki bandagi karne waale hain,apne Rab ki hamd karne waale hain.
