NAMAAZ EIDEN KA TAREEQA
NIYAT-Niyat karta hun mai 2 rakat Namaaz Waajib EID UL FITR ya EIDUL AZHAA ki maa Waajib 6 Takbeeron ke peechhe is Imaam ke Rukh mera KAABA SHAREEF ki taraf aur chahe to Arbi me is tarah Niyat karle-
Niyat ke baad Imaam o Muqtadi Takbeer Tehreema yani ALLAAHU AKBAR kahen iske baad SUBHAANAKALLAAHUMMA aakhir tak padhkar 3 martaba ALLAAHU AKBAR kahen. Har martaba Misl Takbeer Tehreema ke dono kaano tak haath uthaayen aur har Takbeer ke baad itna Tawaqquf karen ki 3 martaba SUBHAANALLAAH keh saken, Teesri takbeer ke baad haath na latkaayen balki baandh len aur Imaam AOOZUBILLAAH V BISMILLAAH padhkar SURAH FATIHA aur koi doosri surah padhe, muqtadi khaamosh khade rahen phir Rukoo,Sajdah karke doosri rakat me Imaam pehle SURAH FATIHA aur koi Surah padhe iske baad 3 takbeer isi tarah kaano tak haath uthaate hue kahen aur har martaba haath uthakar latka den phir chouthi Takbeer baghair haath uthaaye kehte hue Rukoo me chale jaayen aur baaqi Namaaz roz ki tarah poori karlen.
*Eiden ki Namaaz Witron ki tarah waajib hai isko kabhi na chhodo aur achchhi tarah iska Tareeqa yaad karlo.
*Bahut se log Eiden ki Namaaz ke baad khutba nahi sunte chhod kar chal dete hain ye khilaaf e Sunnat hai.
*Eiden ki Namaaz ke baad jo eid ki wajah se Musaafah karte hain ya gale milte hain ye Bidat hai..
*Eiden ki Namaaz ka khutba Sunnat hai lekin Jumaa ke khutba ki tarah Eiden ke khutba ke darmiyaan bhi baat cheet karna durust nahi isi tarah khutba ke darmiyaan imaam ke liye ya kisi doosri zaroorat ke liye chandah karna aur sawaal karna, Imaam ke pagdi baandhna waghairah sakht manaa hai.
