DUAA MANGNE KA SAHIH TAREEQA
Hazrat Abu Hurairah rz. ana se riwaayat hai k Rasoolullah (ﷺ) ne irshad farmaya:
Tum mein se har ek ki dua qubool ho jati hai jab tak k woh jaldi na kare (aur ye keh kar dua karna na chhod diya karo k) Maine dua ki magar meri qubool nahi hui (aksar log ghalat-fehmi aur waswase ka shikar ho jate hain k 1 ya 2 martaba, 1ya 2 din dua karte hain phir qubool nahi hoti to mayoos hokar chhod dete hain. Halanke dua ke liye gidgidate rahein, lage rahein aur pade rahein to har ek ki dua e khair zaroor qubool ho jati hai.)
(Mafhoom Hadees : 5928 Sahih Al-Bukhari)
DUA QUBOOL KARANE KA NUSKHA
TARJUMA:- A Allah ! Mai aapse sawaal karta hun isliye k tamam ta'reefein aap hi ke liye hain, aapke siwa koi ma'bood nahi, aap bahot ata farmane wale hain, aasmaano aur zameeno ko baghair namoone ke paida farmane wale hain, A Jalaal aur buzurgi wale ! A hamesha zindah rehne wale ! A saari kaynaat ko qaim rakhne wale ! Mai aapse sawaal karta hun.
(Tirmizi)
Note:- Dua image mein dekhein 👆👆👆 ye duaa padh kar jo zaroorat ho Allah paak se mang lein.
Faydah:- Nabi Kareem (ﷺ) ne ek shakhs ko ye dua mangte dekha to farmaya:
Us zaat ki qasam jiske qabze mein meri jaan hai isne aise kalimaat ke sath dua ki hai jinke sath dua ki jaye to Allah Ta'ala qubool farmate hain.
