RASOOLULLAH (ﷺ) KI 4800 AHADEES KA NICHOD SIRF 4️⃣ HADEES
Imam Abu Dawood rh. Farmaate hain maine Nabi e Kareem (ﷺ) ki 5️⃣ laakh ahaadees likhi hain unmein se 4800 ahaadees ka intikhab karke unhein apni kitaab sunan abi Dawood mein zikr kiya aur phir in 4800 ahaadees mein se sirf 4️⃣ ahaadees ka intikhaab kiya aur ye 4️⃣ aisi ahaadees hain jo insaan ko deendaar banane ke liye kaafi hain:
1️⃣-✅ A'amaal ka Daar o madaar niyat par hai. (Sahih Bukhari : 1)
2️⃣-✅ Aadmi ke islaam ki khoobi aur kamaal ye hai ki woh fuzool kaamon aur baaton ko chhod de. (Sunan Tirmizi : 2317)
3️⃣-✅ Aadmi us waqt tak kamil momin nahi ho sakta jab tak woh apne bhai ke liye woh pasand na kare jo apne liye pasand karta hai. (Sunan Tirmizi : 2515)
4️⃣-✅ Halaal bhi wazeh hai aur Haraam bhi wazeh hai aur in dono ke darmiyan kuchh mushtaba cheezein hain jo in mushtaba cheezon se bachta raha to uska deen aur uski izzat bach gayi. (Sahi Bukhari : 52)
