SUBMERSIBLE IS WAQT KA KUNWA

🔸Hazrat Aisha rz. Farmaati hain k Rasoolullah (ﷺ) ne farmaya: k "jahan paani 💦 ka intizaam ho wahan par paani💧pilaane se ghulaam aazaad karne ka sawaab milta hai, aur jahan par paani ki qillat ho, wahan par paani pilaane se aisa sawaab milta hai goya k usne usko zinda kar diya."

(Ibn e Maaja : 2474-An Aisha rz.)

🔸Hazrat Sa'ad bin Ibaadah se aapne farmaaya: k "Kya tumhe baghair kharch ka sadqa na bataun?" Unhone kaha : " Zaroor bataiye." Aap (ﷺ) ne farmaaya: 

سَقِيُ الْمَاءِ

(Logon ko pani 💦 pilao).

(Al-Mu'ajjamul kabeer : 5247)

🔸Sadqa e jaariya mein marne ke ba'ad kaam aane waale a'amaal mein paani 💦 ka intizaam karna bhi hai.

🔸Hazrat Sa'ad bin Ibaadah Rz. ki waalida ke liye sadqa e jaariya waala amal maloom krne par Huzoor ne paani 💧 ke sadqe ka hukm farmaaya, chunanche unhone apni Maa ke naam se ek kunwa khudwaya.

(Abu Dawood : 1483)

🔸Is waqt Submersible ki haisiyat kunwe ki si hai, is waqt taqreeban har ghar mein Submersible laga hua hai,. Aasani se apne zaroorat-mand padosiyon ko paani 💦 pahunchaya ja sakta hai; lekin tabia'ton mein itna bukhl ho gaya hai k apne sage bhai aur padosi ko  paani dete hue bhi aadmi apne dil mein tangi mehsoos karta hai, agar 1-2 martaba padosi paani lene aa jaye to ghar walon ko naa-gawaari hone lagti hai ! Halanke is paani ke zariye bahot aasani ke saath baghair kuchh kiye ghar baithe nekiyan kamaayi ja sakti hain.

🔸 Submersible jin gharon mein laga hua hai unko chahiye k apne ghar ke baahir ek toti 🚰 is niyat se laga dein k zarurat-mand padosi jab chahein baghair maloom kiye pani 💦 le sakte hain.

🔸 Allah Ta'ala hamein samajh naseeb farmaye aur har mouqe par mominana kirdaar amli taur par paish karne ki taufeeq naseeb farmaye. Aameen