ROZE ME GEEBAT KARNA

ROZE MEIN GEEBAT 

Hazrat Ubaid rz. Anhu jo Rasoolullah (ﷺ) ke azaad kardah ghulaam hain farmate hain k: 

Ek shakhs ne Rasoolullah (ﷺ) se arz kiya k yahan 2 aurton ne rozah rakha hua hai, aur woh piyas ki shiddat mein marne ke qareeb pahunch gayi hain, Aap (ﷺ) ne sakoot o i'raaz farmaya, usne dobarah arz kiya (ghaliban dopeher ka waqt tha) k : Ya Rasoolullah (ﷺ) ! Ba-Khuda ! Woh to mar chuki hongi ya marne ke qareeb hongi.

Aap (ﷺ) ne dono aurton ko bulwaya, dono aa gayi. Phir Aap (ﷺ) ne ek bada piyala mangwaya aur ek aurat se farmaya usmein qay kare, usne khoon, peep aur tazah gosht waghairah ki qay ki, jis se aadha piyala bhar gaya , phir doosri aurat ko qay karne ka hukm farmaya, uski qay se bhi khoon, peep aur tazah gosht nikla, jis se piyala bhar gaya.

Aap (ﷺ) ne irshad farmaya k : Inhone Allah Ta'ala ki halaal ki gayi cheezon se to rozah rakha magar haraam ki gayi cheezon se kharaab kar liya k ek-doosri ke pas baith kar logon ka gosht khane lagi (yani gheebat karne lagi)."

GEEBAT KE WABAL SE BACHNE KA TARIQA! 

Geebat karna zina karne se badtar he, geebat krne wala murdaar bhai ka gosht khane wale ki tarah he, geebat karne wale ko qayamat ke apni nekiyan deni hogi neez geebat karne wala jahannum me apne nakhun 💅 se apne chahre (face) seena (chest) ko nochega.Hum geebat karne or sunne se bachne ka ahtemam kare agr office ghar 🏠 taqreeb (function) ya majlis me koi geebat kar raha ho to pyaar mohabbat se ise samjhayein. agr wo baaz na aye to us majlis ya jagah ko hi chhod dein.

Geebat ke wabal se bachne ka tariqa ye he ke allah se tobah wa astagfaar karne ke 7.7 jis musalman ki geebat ki ho usse zaroor muafi mangi jaye, agar muafi mangna mumkin na ho to uske liye dua e kher isale sawab kiya jaye,

Or is baat ko khoob share kre,, Keh me ba’hesiyat ek musalman or gunahgar bande ke apne tamam ristedaron dost ahbab or janne walon se hath 🙌🏻  jod kar guzarish karta hun ke mene jane anjane me kisi ki geebat ki ho to allah ke liye mujhe muaaf kar dein,neez me bhi un tamam logon ko allah ke liye muaaf karta hun jinhone kisi moqe par meri geebat ki ho, Allah subhana wa ta’ala hum sbko muaaf farma dein (Aameen),,

GEEBAT KI KABAHAT ((NAFRAT))

Shaikh ul islam mufti Mohammad taqi usmani farmate hai:

“Hajjaj bin yusuf ko kon musalman nahi janta jisne be shumar julm kiye kitne ulma ko shaheed kiye kitne hafizo ka qatl kiya, hatta ke isne kabah 🕋 pr hamla kar diya , ye sare bure kama kiye or jo musalman bhi iske in bure afaal ko padhta he to iske dil me iski taraf se krahat peda hoti he, 

Lekin ek martaba ek shaks ne Hazrat abdulla bin umar۔ ؓ ) Anhuma ke samne hajjaj bin yusuf ki burai shuru krdi or is burai ke andr iski geebat ki, to Hazrat abdullah bin uamr ۔ ؓ ) ne foran toka or farmaya: Keh ye mat smajhna keh agr hajjaj bin yusuf jalim he to ab iski geebat halal hogai ya is pr bohtan banadhna halal ho gaya , 

Yad rakho jab allah ta’ala qayamat ke din hajjaj bin yusuf ko iske na haq qatal or julm or khoon🩸ka badla lenge to tum jo geebat kr rahe ho ya bohtan laga rahe ho to allah ta’ala iska badla tumse lenge, ye nahi ke jo shaks badnam ho gya to iski badnami ke natije me ispr jo chaho iljan lagate chale jao is pr bohtan bandhte chale jao or iski geebat krte chale jao lihaja adawat or dusmani bhi aitedal ke stah karo or mohabbat bhi aitedal ke sath karo, Aaj kal hamare yahan jo siyasi mahol he is siyasi mahol ka haal ye he keh agr kisi ke sath taalluq ho gaya or iske sath siyasi taalluq ho gaya to isko is trha baans🎍 pr chadhate he keh ab iske andr koi aib nazar nahi ata or agr doosra shaks koi aib bayan kare to iska sunna👂Gawara nahi hota or iske bare me ye raye qaim karli jati he keh ye masoom anil khata he, or jab isse siyasi dusmani ho jati he to ab iske andr koi achchai hi nazar nahi ati, dono jagah par hadood se tajawuz ho raha he, Is trike se Huzoor e aqdas sallallahu alaihi Wasallam ne mana farmaya hai”

ALLAH TA’ALA HUME GEEBAT SE MEHFOOZ RAKHE 

Geebat se uthne wali badbu 

 

Hazrat Jabir bin(  ؓ) anhuma farmate he keh nabi e kareem  sallallahu alaihi Wasallam ke sath the k ek gandi or badbu daar hawa chali to Rasoolullah sallallahu alaihi Wasallam  ne farmaya : Tumhe maloom he ye kis cheez ki badbu he,Ye momin ki geebat karne walon ki (geebat) ki badbu hai" Allaah hum sbki is gunah se hifazat kare aameen summa aameen 

( Musnad ahmed 14826: Hadees hasan)

GEEBAT ZINA SE ZYADAH SAKHT HAI

Geebat ki tareef ye hai k kisi ki ghair moujoodgi mein aisi bat kehna jo use naa-gawaar guzre aur woh baat usmein payi jati ho 

Zina se zyadah sakht isliye farmaya k awwal to bandah ise gunah samajhta hi nahi aur agar smajhta bhi ho to halka gunah samajh kar bar-bar karta hai aur tauba bhi nahi karta, aur na hi us shakhs se muaafi mangta hai jiski gheebat ki ho. Jabke Zina karne wala use bada gunah samajh kar tauba kar leta hai.

GEEBAT KYA HAI

Apne bhai ke bare mein uske khaan-daan, akhlaaq, jismaani saakht, qaul-o-fa'al, harkaat-o-saknaat, yahan tak k kapda, makaan aur sawaari ke baare mein "gaaibaana" aisi waqai baat kehna ya isharah kinaya karna jo muta'lliq shakhs ko na-gawaar guzre "geebat" kehlata hai.

(Ahyaa uloomuddeen)

Geebat aur Bohtaan mein farq:-

Geebat:-Peeth peechhe takleef-dah waqai baat ka tazkirah karna geebat hai.

Bohtaan:- Gair waqai baat ka tazkirah karna khwah saamne ho ya peechhe "Bohtaan" kehlata hai.

Geebat ki shna'at:-

Jamhoor ulma e ummat ke yahan geebat haraam hai aur Gunah kabeera mein daakhil hai.

(B)- Har Majlis ke khatm hone par majlis ke kaffare wali duaa ahtimaam se padhi jaye.

Pehli dua 👇🏻👇🏻👇🏻👇🏻

سبحانک اللہم وبحمدک، نشھد ان لا الہ الا انت، نستغفرک، ونتوب الیک۔

Doosri Dua👇🏻👇🏻👇🏻👇🏻

سبحان ربک رب العزت عما یصفون، وسلام علی المرسلین، والحمدللہ رب العالمین․

Allah Ta'ala hamein hidaayat naseeb farmaaye aur is gunah kabeera ki nafrat naseeb farmaakar chhodne aur bachne ki taufeeq ata farmaaye.

Aameen summa aameen

Hazrat Anas ؓ  se manqool hai:-

کفارۃ من الغیبۃ ان تستغفرلہ،

Ya'ni gheebat ka kaffaarah ye hai k us shakhs ke haq mein maghfirat ki Duaa ki jaye jiski gheebat ki gayi hai.

Mishkaat Shareef