GHAIR MUSLIM ZARURAT-MANDON PE KHARCH !
Hazrat ibn e Abbas rz. farmate hain k Rasoolullah (ﷺ) sirf musalmano par kharch karne ka hukm diya karte the hattake surah Al-Baqarah ki aayat : 272 nazil hui aayat 👇👇👇image mein dekhein.
Tarjuma:- (Ae Paighambar !) Logon ko hidayat dene ki zimmedari aap par nahi hai, hidayat to Allah jise chahta hai deta hai aur jo maal tum (raah e Khuda) mein kharch karte ho woh tumhare apne fayde ke liye hai, aakhir tum isiliye to kharch karte ho k Allah ki raza hasil ho to jo kuchh maal tum kharch karoge, uska poora-poora ajar tumhe diya jayega aur tumhari haq-talfi hargiz na hogi."
Chunanche iske baad Nabi e Akram (ﷺ) ne har us shakhs par sadqa karne ka hukm diya jo tumse mange, chahe woh kisi bhi mazhab se ta'lluq rakhta ho.
(Tafseer ibn e kaseer tehet surah Baqarah : 272)
SADQE KI FAZILAT, WOH BHI MAAL KHARCH KIYE BAGHAIR !!!
▪️Musalman bhai ki taraf muskura kar dekhna bhi sadqa.
▪️Kisi se achchhi bat kehna bhi sadqa.
▪️Kisi ko burai se rokna bhi sadqa.
▪️Apne bartan se kisi Musalman bhai ke bartan mein kuchh dal dena bhi Sadqa.
▪️Raste se takleef-zadah cheez hata dena bhi sadqa
▪️Kisi ki ghair-moujoodgi mein uske liye dua karna bhi sadqa.
▪️Rasta bhatke hue ya naa-beena shakhs ko rasta batla dena bhi sadqa.
(Makhooz az ahadees sahiha)
