JAB PAANI KI ZAROORAT HO AUR PAANI NA BARASTAA HO US WAQT ALLAAH TA,AALA SE PAANI BARASNE KI DUAA KARNA MASNOON HAI.
NAMAAZ ISTISQAA PADHNE KA TAREEQA:
*Istisqaa ke liye duaa karna is tareeqe se mustahab hai ki tamaam musalmaan mil kar ma apne ladkon, boodhon aur jaanwaro ke paapiyaadah khushoo v aajizee ke saath maamooli libaas me jungal ki taraf jaayen aut tauba ki tajdeed karen aur ahl e huqooq ke huqooq adaa karen aur apne hamraah kisi kaafir ko na le jaayen.
*Phir 2 rakat bila azaan aur iqaamat ke jamaat se padhe.
*Aur imaam zor se qiraat padhe phir 2 khutbe padhe jis tarah eid k roz kiya jaata hai.
*Phir imaam qibla roo hokar khada ho jaaye aur dono haath uthaa kar apne ALLAH TA,AALA se duaa kare aur sab haazireen bhi duaa karen.
MASLA 1: Teen roz mutawaatir aisa hi karen teen roz ke baad nahi. kyonki isse zyaadah saabit nahi.
MASLA 2: Namaaz istisqaa ke liye jungal ki taraf nikalne se pehle ya ek din namaaz padh kar baarish ho jaaye to jab bhi teen din poore kar den.
MASLA 3: Aur teeno dino me roza bhi rakhen to mustahab hai.
MASLA 4: Istisqaa ki duaa ke liye jaane se pehle sadqa khairaat karna bhi mustahab hai.
