BARZAKH KISE KEHTE HAIN??
Chhoti si bat aap samajh lein.
Barzakh kise kehte hain?
Barzakh 2️⃣ cheezon ka naam hai:
1️⃣Zamaan
2️⃣Makaan
Zamaan waqt ko kehte hain aur Makaan jagah ko kehte hain. Barzakh ka Zamaan ye hai k mout se lekar Hashr tak to saara waqt zamaan hai aur Sijjeen se illiyyeen tak ye saara Makaan e Barzakh hai.
Sijjeen saaton zameeno se neeche ek jagah hai aur illiyyeen aasmaan par ek jagah hai, ye saara barzakh hai. Ab aap baat samajh sakte hain k ek aadmi fout ho jata hai aur uski laash baahar padi hoti hai lekin woh phir bhi barzakh mein hai. Koi bandah kahega k ye kaise mumkin hai k woh laash barzakh mein hai aur ham barzakh mein nahi hain, jabke hain to dono Usmania Masjid mein ! To aap use samjhayenge k barzakh 2 cheezon ka naam hai; Sijjeen se illiyeen tak Makaan aur mout se lekar Hashr tak Zamaan , is mayyat ko dono cheezein mil rahi hain, usko makaan bhi mil gaya aur zamaan bhi aur hamein makaan to mil gaya k Sijjeen aur illiyyeen ke darmiyan hain lekin zamaan nahi mila. Ye baat kab samajh aayegi jab aapko barzakh ke ma'ny samajh mein aayega aur jab barzakh ke ma'ny samajh mein nahi aayega to sawaalaat paida hote rahenge.
Khanqah Hanfiya Maysoor India
