*Ramzaan Shareef ke roze har baaligh mard-o-aurat par farz hai . Islaam ke paanchon arkaan jin par islaam ki bunyaad hai unme ramzaan shareef ke roze rakhna bhi hai . Bahut se mard-o-aurat bhook ke dar se ya khaane peene ki kuchh aadadton ki wajah se roze nahi rakhte ,aise log duniyaa ki bhook-o-piyaas se to bachte hain magar qabr-o-hashr ki sakhtiyon aur dozakh ki bhook aur doosre azaabon se bachne ki fikr nahi karte. Khuda ki naa-farmaani karne ki wajah se marne ke ba'ad azaab honge.
*Irshaad farmaaya Rasoolullaah S.A.W. ne k Roze aur Qur-aan bande ke liye (Khuda wand-e-kareem se) sifaarish karenge k Parwardigaar ! Tu isko bakhsh de aur is par reham farmaa. Rozah kahega k A Rab ! Maine isko din me khaane se aur nafs ki khwaahishon se rok diya tha lihaaza meri sifaarish iske haq me qubool farmaa . Aur Qur-aan kahega A Rab ! (isne mujhe raat ko namaaz me khade hokar padha) aur maine isko raat ke sone se rok diya lihaaza iske haq me Aap meri sifaarish qubool farmaaiye. Al-haasil dono ki sifaarish qubool kar li jaayegi. (Mishkaat)
*Roze-daar ka Allaah ke nazdeek bada martaba hai , Rasoolullaah S.A.W. ne farmaaya k roze-daar ke munh ki bad-boo Allaah Ta'aala ke nazdeek mushk ki khush-boo se bhi zyaadah piyaari hai ye bhi irshaad farmaaya k Rozah-daar ke liye 2 khushiyaan hain ek khushi us waqt haasil hoti hai jabke iftaar kartaa hai , doosri khushi us waqt hogi jabke woh apne Parwardigaar se mulaaqaat karega. (Mishkaat)
*Ramzaan ka rozah hargiz na chhodo,sakht beemaari ya lambi musaafirat ki wajah se agar rozah chhoot bhi jaaye to jaldi se uski qazaa rakh lo ,Ramzaan shareef ke rozon ki itni badi azmat aur qeemat hai ki iske baare me Rasoolullaah S.A.W. ne farmaaya k jisne baghair kisi shara'i ijaazat ya baghair kisi aise marz ke (jis me ba'ad me rozah rakhne ki niyat se use rozah chhodne ki ijaazat hai) Ramzaan ka ek rozah chhod diya to agar saari umar uske badle roze rakhe tab bhi is roze ka badal nahi ho sakta . (Mishkaat)
Agarche qazaa rakhne se hukm ki ta'ameel ho jaayegi magar rutbe ke aitabaar se woh baat kahaan jo ramzaan ka rozah rakh kar haasil hoti hai.
*Ramzaan Shareef me ek farz ka sawaab 70 farzon ke sawaab ke baraabar milta hai ,is mubaarak maheene me shayaateen baandh diye jaate hain ,Rehmat ke darwaaze khol diye jaate hain. (Mishkaat)
*Is maah me khusoosiyat ke saath farz namaaz ki paabandi karte hue nafil namaaz aur tilaawat-e-Qur-aan Shareef zyaadah se zyaadah karo aur raat ko taraaweeh padho , LAA ILAAHA ILLALLAAHU zyaadah padhna ,astaghfaar bahut karna ,Jannat ka sawaal aur Dozakh ke azaab se Allaah ki panaah maangna in baaton ka khyaal rakho aur amal karo , is mubaarak maheene me sakhaawat bahut karo , mohtaajon ko khoob do , bhookon ko khaana khilao , noukaron ka kaam halka karo,aur rozah-daaron ka rozah iftaar karaaya karo .
*Is maheene me Shab-e-qadar bhi hoti hai , jisme ibaadat karnaa hazaar maheeno ki ibaadat se behtar hai , Ramzaan ke aakhiri 10 dino me 21,23,25,27 aur 29 in taarekhon se pehle jo raaten aati hain unme raat bhar khoob ibaadat karo, inme se koi na koi Shab-e-qadar hoti hai.
NOTE- Jab ramzaan shareef ke 10 din reh jaayen to ibaadat zyaadah kiya karo .
.Bila akhtiyaar khud ba-khud qay ho gayi to rozah nahi toota khwaah jis qadar bhi ho jaaye ,Albatta apne akhtiyaar se qay ki aur itni qay hui jisse munh bhar sake to rozah toot gaya aur agar thodi si qay aayi hai jo munh bhar nahi hai to rozah nahi toota agarche apne akhtiyaar se ki ho.
.Munh me apne-aap se qay aa gayi phir usko apne akhtiyaar se lauta li to rozah toot gaya.
.Koi cheez chakh kar thook dene se rozah nahi toot-ta lekin be-zaroorat aisa karna makrooh hai , han agar kisi aurat ka shohar bad mizaaj ho aur ye khauf ho k saalan me namak kam zyaadah ho jaane se bigdega uske liye chakh kar thook dena durust hai.
.Raat samajh kar sehri khaa li ya sooraj chhipa jaankar iftaar kar liya aur ba'ad me ma'aloom hua k subah ho chukne par sehri khaayi hai ya sooraj chhipne se pehle iftaar kar liya hai to is roze ki qazaa laazim hai .
.Ramzaan ke roze me qasdan jaankar rozah yaad hote hue kuchh khaa liya ya pee liya ya nafsaani khwaahishaat ko poora kar liya (ya'ani koi bhi aisa kaam kar liya jisse rozah toot jaata hai) to is roze ki qazaa aur kaffaarah dono laazim hain.
KAFFAARAH:-Ramzaan ke roze ka kaffaarah ye hai k 1 ghulaam aazaad kar de , agar ghulaam na mile ya mile magar uski qeemat na ho to lagaataar 2 maheene ke roze rakhe , agar roze rakhne ki taaqat na ho to 60 miskeeno ko subah-o-shaam khoob pait bhar kar khaana khilaaye.
.Roze me miswaak karna , surma lagaana , tel lagaana durust hai . Han manjan , tooth powder , tooth paste aur koila waghairah se roze me daant saaf karna makrooh hai.
.Agar raat ko ghusal farz ho jaaye aur subah hone se pehle ghusal na kar sako to isi haalat me roze ki niyat kar lo aur subah hone par sooraj nikalne se pehle-pehle ghusal karke namaaz padh lo .
.Agar kisi par ghusal farz ho aur usne roze ki niyat kar li ho aur rozah rakh liya aur din bhar ghusal na kiya aur na namaaz padhi tab bhi rozah ho jaayega aur rozah chhodne ka gunaah na hoga , albatta namaaz chhodne ka gunaah hoga.
.Jab sooraj chhipne ka yaqeen ho jaaye to rozah iftaar kar lo dair na lagaao.
.Rozah baghair niyat ke adaa nahi hota hai baghair niyat ke khaana peena chhod dene se rozah na hoga , niyat dil ke iraade ka naam hai agar zabaan se niyat karna chaaho to sehri khaakar ya isse pehle ye kaho:
BISAUMI GHADIN-NAWAITU MIN SHAHRI RAMAZAAN.
.Iftaar ke waqt ye duaa padho:
ALLAAHUMMA LAKA SUMTU WA 'ALAA RIZQIKA AFTARTU
TARJUMA:- A Allaah ! Maine tere liye rozah rakha aur tere diye hue rizq se maine rozah khola.
HADEES:- Jab tum iftaar karo khajooron se iftaar karo kyonki ye barkat ki cheez hai pas khajoor agar na mile to paani se iftaar kar lo kyonki paani paak karne waala hai, (Tirmizi)
.Baghair sehri ke rozah ho jaata hai. albatta sehri khaana mustahab hai agar khwaahish na ho tab bhi paani peekar ya kuchh thoda bahot khaakar sunnat adaa kar le.
.Ahtalaam ho jaane se rozah nahi toot-ta aur na makrooh hota hai.
.Itr aur phool ki khush-boo soonghna roze me jaaiz hai , lobaan , agarbatti waghairah ki dhooni sulga kar apne iraade se soonghna shuru kiya aur dhuwaan halaq me chala gaya to rozah toot jaayega , beedi ,cigarette , sigaar aur huqqa peene se rozah toot jaata hai .
.Kulli karte waqt agar halaq me paani chalaa gaya aur rozah yaad tha to rozah toot gaya , qazaa waajib hai.
.Naak se sudak kar nigal jaane aur apne munh ka balgham ,raal ya laab nigal jaane se rozah nahi toot-ta .
Rozah me naas liya ya kaan me tail daal liya to rozah toot gaya, agar kaan me paani daala ya khud se chalaa gaya to rozah nahi tootega.
*Irshaad farmaaya Rasoolullaah S.A.W. ne k Roze aur Qur-aan bande ke liye (Khuda wand-e-kareem se) sifaarish karenge k Parwardigaar ! Tu isko bakhsh de aur is par reham farmaa. Rozah kahega k A Rab ! Maine isko din me khaane se aur nafs ki khwaahishon se rok diya tha lihaaza meri sifaarish iske haq me qubool farmaa . Aur Qur-aan kahega A Rab ! (isne mujhe raat ko namaaz me khade hokar padha) aur maine isko raat ke sone se rok diya lihaaza iske haq me Aap meri sifaarish qubool farmaaiye. Al-haasil dono ki sifaarish qubool kar li jaayegi. (Mishkaat)
*Roze-daar ka Allaah ke nazdeek bada martaba hai , Rasoolullaah S.A.W. ne farmaaya k roze-daar ke munh ki bad-boo Allaah Ta'aala ke nazdeek mushk ki khush-boo se bhi zyaadah piyaari hai ye bhi irshaad farmaaya k Rozah-daar ke liye 2 khushiyaan hain ek khushi us waqt haasil hoti hai jabke iftaar kartaa hai , doosri khushi us waqt hogi jabke woh apne Parwardigaar se mulaaqaat karega. (Mishkaat)
*Ramzaan ka rozah hargiz na chhodo,sakht beemaari ya lambi musaafirat ki wajah se agar rozah chhoot bhi jaaye to jaldi se uski qazaa rakh lo ,Ramzaan shareef ke rozon ki itni badi azmat aur qeemat hai ki iske baare me Rasoolullaah S.A.W. ne farmaaya k jisne baghair kisi shara'i ijaazat ya baghair kisi aise marz ke (jis me ba'ad me rozah rakhne ki niyat se use rozah chhodne ki ijaazat hai) Ramzaan ka ek rozah chhod diya to agar saari umar uske badle roze rakhe tab bhi is roze ka badal nahi ho sakta . (Mishkaat)
Agarche qazaa rakhne se hukm ki ta'ameel ho jaayegi magar rutbe ke aitabaar se woh baat kahaan jo ramzaan ka rozah rakh kar haasil hoti hai.
*Ramzaan Shareef me ek farz ka sawaab 70 farzon ke sawaab ke baraabar milta hai ,is mubaarak maheene me shayaateen baandh diye jaate hain ,Rehmat ke darwaaze khol diye jaate hain. (Mishkaat)
*Is maah me khusoosiyat ke saath farz namaaz ki paabandi karte hue nafil namaaz aur tilaawat-e-Qur-aan Shareef zyaadah se zyaadah karo aur raat ko taraaweeh padho , LAA ILAAHA ILLALLAAHU zyaadah padhna ,astaghfaar bahut karna ,Jannat ka sawaal aur Dozakh ke azaab se Allaah ki panaah maangna in baaton ka khyaal rakho aur amal karo , is mubaarak maheene me sakhaawat bahut karo , mohtaajon ko khoob do , bhookon ko khaana khilao , noukaron ka kaam halka karo,aur rozah-daaron ka rozah iftaar karaaya karo .
*Is maheene me Shab-e-qadar bhi hoti hai , jisme ibaadat karnaa hazaar maheeno ki ibaadat se behtar hai , Ramzaan ke aakhiri 10 dino me 21,23,25,27 aur 29 in taarekhon se pehle jo raaten aati hain unme raat bhar khoob ibaadat karo, inme se koi na koi Shab-e-qadar hoti hai.
NOTE- Jab ramzaan shareef ke 10 din reh jaayen to ibaadat zyaadah kiya karo .
ROZE SE MUTA'ALLIQ KUCHH ZAROORI MASAAIL
.Bila akhtiyaar khud ba-khud qay ho gayi to rozah nahi toota khwaah jis qadar bhi ho jaaye ,Albatta apne akhtiyaar se qay ki aur itni qay hui jisse munh bhar sake to rozah toot gaya aur agar thodi si qay aayi hai jo munh bhar nahi hai to rozah nahi toota agarche apne akhtiyaar se ki ho.
.Munh me apne-aap se qay aa gayi phir usko apne akhtiyaar se lauta li to rozah toot gaya.
.Koi cheez chakh kar thook dene se rozah nahi toot-ta lekin be-zaroorat aisa karna makrooh hai , han agar kisi aurat ka shohar bad mizaaj ho aur ye khauf ho k saalan me namak kam zyaadah ho jaane se bigdega uske liye chakh kar thook dena durust hai.
.Raat samajh kar sehri khaa li ya sooraj chhipa jaankar iftaar kar liya aur ba'ad me ma'aloom hua k subah ho chukne par sehri khaayi hai ya sooraj chhipne se pehle iftaar kar liya hai to is roze ki qazaa laazim hai .
.Ramzaan ke roze me qasdan jaankar rozah yaad hote hue kuchh khaa liya ya pee liya ya nafsaani khwaahishaat ko poora kar liya (ya'ani koi bhi aisa kaam kar liya jisse rozah toot jaata hai) to is roze ki qazaa aur kaffaarah dono laazim hain.
KAFFAARAH:-Ramzaan ke roze ka kaffaarah ye hai k 1 ghulaam aazaad kar de , agar ghulaam na mile ya mile magar uski qeemat na ho to lagaataar 2 maheene ke roze rakhe , agar roze rakhne ki taaqat na ho to 60 miskeeno ko subah-o-shaam khoob pait bhar kar khaana khilaaye.
.Roze me miswaak karna , surma lagaana , tel lagaana durust hai . Han manjan , tooth powder , tooth paste aur koila waghairah se roze me daant saaf karna makrooh hai.
.Agar raat ko ghusal farz ho jaaye aur subah hone se pehle ghusal na kar sako to isi haalat me roze ki niyat kar lo aur subah hone par sooraj nikalne se pehle-pehle ghusal karke namaaz padh lo .
.Agar kisi par ghusal farz ho aur usne roze ki niyat kar li ho aur rozah rakh liya aur din bhar ghusal na kiya aur na namaaz padhi tab bhi rozah ho jaayega aur rozah chhodne ka gunaah na hoga , albatta namaaz chhodne ka gunaah hoga.
.Jab sooraj chhipne ka yaqeen ho jaaye to rozah iftaar kar lo dair na lagaao.
.Rozah baghair niyat ke adaa nahi hota hai baghair niyat ke khaana peena chhod dene se rozah na hoga , niyat dil ke iraade ka naam hai agar zabaan se niyat karna chaaho to sehri khaakar ya isse pehle ye kaho:
BISAUMI GHADIN-NAWAITU MIN SHAHRI RAMAZAAN.
.Iftaar ke waqt ye duaa padho:
ALLAAHUMMA LAKA SUMTU WA 'ALAA RIZQIKA AFTARTU
TARJUMA:- A Allaah ! Maine tere liye rozah rakha aur tere diye hue rizq se maine rozah khola.
HADEES:- Jab tum iftaar karo khajooron se iftaar karo kyonki ye barkat ki cheez hai pas khajoor agar na mile to paani se iftaar kar lo kyonki paani paak karne waala hai, (Tirmizi)
.Baghair sehri ke rozah ho jaata hai. albatta sehri khaana mustahab hai agar khwaahish na ho tab bhi paani peekar ya kuchh thoda bahot khaakar sunnat adaa kar le.
.Ahtalaam ho jaane se rozah nahi toot-ta aur na makrooh hota hai.
.Itr aur phool ki khush-boo soonghna roze me jaaiz hai , lobaan , agarbatti waghairah ki dhooni sulga kar apne iraade se soonghna shuru kiya aur dhuwaan halaq me chala gaya to rozah toot jaayega , beedi ,cigarette , sigaar aur huqqa peene se rozah toot jaata hai .
.Kulli karte waqt agar halaq me paani chalaa gaya aur rozah yaad tha to rozah toot gaya , qazaa waajib hai.
.Naak se sudak kar nigal jaane aur apne munh ka balgham ,raal ya laab nigal jaane se rozah nahi toot-ta .
Rozah me naas liya ya kaan me tail daal liya to rozah toot gaya, agar kaan me paani daala ya khud se chalaa gaya to rozah nahi tootega.
