DUAA KI QUBOOLIYAT YAQEENI HAI
Hazrat Abu Saeed Khudri Rz. se riwaayat hai k Rasoolullah sallallahu alaihi wasallam ne irshad farmaya :
Jo bhi Musalman Allah (S.W.T.) se aisi duaa mange jismein kinah aur qat'a-rehmi ka sawaal na ho to Allah (S.W.T.) usko 3 cheezon mein se ek cheez zaroor ata farmate hain :
1:- Jo usne manga use ataa farmaa dete hain.
2:- Ya us duaa ko aakhirat mein uske liye zakheerah bana dete hain.
3:-Ya us duaa ke badle (aane wali) museebat door farma dete hain.
Ye sunkar Hazraat Sahaba e Karam raziyallaahu anhum ajma'een ne arz kiya:
Ab to ham khoob duaayen mangenge.
Aap Sallallahu alaihi wasallam ne irshad farmaya:- " Allah (S.W.T.) is (tumhare mangne) se bhi zyadah ataa farmane wala hai."
(Masnad Ahmad : 11149)
