🌴Qura'an-e-Kareem tajweed ke muwaafiq hi tilaawat kiya jaaye. Isliye is qadar tez raftaari se padhna ke tajweed ke zaroori umoor mutaassir hon, Qura'an-e-Kareem samajh na aaye, ya huroof-o-harakaat kat'te chale jaayen ya waazeh na hon, aur sunne waalon ko "یعلمون تعلمون" ke siwa kuch samajh na aaye; ye sab sooraten mamnoo' hen, inse ijtenaab karna zaroori he. Maqsad to Allah hi ki raza haasil karna he, aur Allah ki raza isi mein hai ke ikhlaas ke saath tajweed ke muwaafiq Qura'an-e-Kareem ki tilaawat ki jaaye.
🌴Qur-aan e kareem ko jehran (oonchi aawaaz se) padhna afzal he bashart ye ke kisi ki ibaadat ya aaraam waghera men khalal na ho.
🌴 kisi ki ibaadat ya aaraam waghera men khalal padne ka andesha ho to phir sirri (halki aawaaz se) tilaawat karni chaahiye, lekin sirri tilaawat ki kam az kam hadd ye he ke tilaawat karne waala Qura'an-e-Paak ke huroof aur alfaaz ka baa-qaaida apni zubaan se talaffuz aur adaayegi kare, iss tarah par ke khud apni aawaaz sun sake.
🌴Zabaan se huroof aur alfaaz ka baa-qaaida talaffuz kiye bagher sirf dil hi dil mein tilaawat ka tasawwur karna tilaawat ka tasawwur he tilaawat nahi.
🌴 Lihaaza agar koi shakhs itni halki aawaaz se tilaawat kar raha ho ke uske hont hil rahe hon aur wo apni aawaaz sun sakta ho to aise shakhs ko tambeeh karne ki koi zaroorat nahi hai albatta jo shakhs hont hilaaye baghair sirf Dil hi Dil me tilaawat kar rha ho to use batana chahiye k aap baa-qaaidah huroof aur alfaaz ka zabaan se talaffuz karte hue kam az kam itni aawaaz se tilaawat karen k aap khud apni aawaaz sun saken. Sahih Bukhari: (191/6)
🌴 Tilaawat zabaan se Quran Majeed ke alfaaz ki adaigi ka naam hai is liye agar zabaan se na padha aur sirf dil 💓 me khayaal kere to tilawat ka sawab nahi milega sirf aankhon👀se dekhne aur dil💓me tasavvur karne ka sawab mil jayega.
