HAJJ E BAITULLAAH
Hajj islaam ja choutha rukn hai aur islaam me hajj ki itni badi ahemiyat hai ki Rasool Allaah S.A.W. ne farmaaya ki jisko waqai majboori ne ya zalim Baadshah ne ya safar se rokne waale marz ne Hajj se nahi roka aur usne Hajj nahi kiya to usko chahiye ki agar chahe to yahoodi hone ki haalat mar jaaye aur chahe to nasraani hone ki haalat me mar jaye. (Mishkaat)
Bahut se Mardon aur Aurton par Hajj farz hota hai lekin paise ki Muhabbat aur duniya ke phandon me phans kar hajj nahi karte, dekho aise logon ke liye kaisi sakht waeed farmaayi hai aur bahut se se Hajj ko jaana chahte hain magar is saal ,agle saal karte hue barson laga dete hain ye bhi bura karte hain.
Huzoor S.A.W. ne farmaaya ki jise Hajj karna ho jaldi kare. (Abudaood) mout ki kya khabar hai ki kab aa khadi ho? Hajj farz hote hi isi saal Hajj ko rawaana ho jao.
HAJJ KI FAZEELAT
Rasool Allaah S.A.W. ne farmaaya hai ki jisne Allaah ke liye aisa Hajj kiya jisme gandi baayen na ki aur na gunaah kiye woh aisa waapas hoga jaise uski Maa ne aaj hi usko jana hai yani bachche ki tarah begunah ho jayega aur aapne ye bhi irshaad farmaaya ki neki se bharbhare Hajj ka badla jannat ke siwa kuchh nahi. (Mishkaat)
Neki se bharbhara Hajj woh hai jo Riya aur shohrat ke liye na kiya jaaye balki sirf Allaah Ta,aala ki Razaa ke liye ho aur isme gunaahon se parhez ho aur ladai jhagda na kiya ho.
Hajj ki tarah se Umrah bhi ek ibaadat hai woh bhi Makkah Shareef me hota hai aur isme Hajj ki tarah chand kaam karne hote hain. Rasool Allaah S.A.W. ne farmaaya ki Hajj aur Umrah ko jaane waale Allaah Ta,aala ke Mehmaan hain. Inka bada martaba hai agar Allaah se Duaa karen to woh qu ool kare aur usse Maghfirat talab karen to bakhsh de aur ye bhi irshaad farmaaya ki Hajj aur Umrah tangdasti aur gunaahon is tarah door kar deti hai jaise aag ki bhatti lohe, sone aur chaandi ki kharaabi ko door kar deti hai. (Mishkaat)
