HUZOOR S.A.W. NE APNE KHAANDAAN KE LIYE DUNIYAVI WUS-AT AUR AISH O ISHRAT KI ZINDAGI KO PASAND NAHI FARMAAYA
Ek martaba Azwaaj e Mutahharaat ne Huzoor S.A.W. se kharch zyaadah maanga tha,is par ye Aayat naazil hui haalaanki zaahir me unki darkhwaast ki wajah maaqool bhi thi kyonki is waqt Huzoor S.A.W. ko fatoohaat bahut hone lagi thi aur sab musalmaan fatoohaat ki wajah se maaldaar hone lage the magar Huzoor S.A.W. ne is par bhi apni khaas zaat aur apne ghar waalo ke liye dunyavi wus-at ko gawaarah na kiya to azwaaj e mutahharaat ne is mouqe par zyaadah kharch ki darkhwaast ki,Tangi ke waqt unhone aisi darkhwaast kabhi na ki thi ,ki tangi ke Zamaane me ba-az waqt paani bhi ghar me na hua to Huzoor S.A.W. se kuchh shikaayat nahi ki, han jab fatoohaat se musalmaan maaldaar hone lage aur tangi rafa ho gayi,is waqf unhone apne liye wus-at chaahi magar ye baat Huzoor S.A.W. ke mizaaj ke khilaaf thi. Aap S.A.W. apni biwiyon ke liye wus,at kya pasand karte apni beti tak ke liye isko gawaarqh nahi kiya.
Chunaanche ek martaba kisi jihaad me Rasool Allaah S.A.W. ke paas bahut si baandiyaan aur Ghulaam Qaid hokar aaye aur Aap Musalmaano me unko taqseem farmaane lage to Hazrat Ali Rz. ne Hazrat Fatima Rz. se farmaaya ki tum chakki peesne aur paani bharne me bahut takleef uthaati ho aur is waqt Huzoor S.A.W. ke paas Baandi aur Ghulaam bahut se aaye hain jinko aap logon me taqseem farmaa rahe hain agar tum bhi Huzoor S.A.W. se ek Basndi ya Ghulasm maang lo to is mehnat se tumko Raahat ho jaayegi chunaanche Hazrat Fatima Rz., Hazrat Aisha Rz. Ke ghar tashreef le gayi , is waqt Huzoor S.A.W. ghar me na the unhone Hazrat Aisha Rz. Se apni darkhwaast ka mazmoon bayaan kar diya jab Huzoor S.A.W. tashreef laaye to meri taraf se ye Arz kardi jaaye thodi der ke baad jab aap tashreef laaye to Hazrat Aisha Rz. ne Huzoor S.A.W. se arz kar diya ki Sahibzaadi Saahiba is maqsad se tashreef laayi thi Aap isi waqt Hazrat Fatima Rz. Ke ghar tashreef le gaye aur farmaaya ki A Fatima! Tum ghulaam ya londi chahti ho ya Mai isse bhi achchhi cheez tumko batlaaun. Unhone Arz kiya jo cheez isse achchhi ho wahi bata deejiye.
Aap S.A.W. ne Farmaaya: let,te waqt 33 baar SUBHAANALLAAH,33 baar ALHUMDULILLAAH aur 34 baar ALLAAHU AKBAR. padh liya karo ye tumhaare liye Ghulaam aur baandi se behtar hai.
woh Aisi laayaq Saahibzaadi thi ki is par khush ho gayi aur Aakhirat ko duniyavi raahat par tarjeeh di.Jab Huzoor S.A.W. ne apni Aulaad ke liye bhi baandi rakhna pasand nahi farmaaya to biwiyon ki in baaton ko kaise pasand farmaate Aap to hamesha ye Duaa farmaate the-
