TAMAM AMBIYAA NE APNI QAUM KO DAJJAL SE DARAYA HAI
Rasoolullah (ﷺ) ne farmaya : Nooh ke ba'ad koi Nabi aisa nahi jisne apni qaum ko Dajjal ke fitne se na daraya ho aur Mai bhi tumhein is se darata hun.
(Jam'e Tirnizi : J : 2, Hadees n. : 118)
DAJJAL AGAR NIKAL AAYE ?
Rasoolullah (ﷺ) ne farmaya : Jo dajjal ke muta'lliq sune k woh zahir ho chuka hai to woh usse door hi rahe kyonke Qasam hai Allah ki ! Aadmi uske pas aayega to yahi samjhega k woh momin hai, aur woh uska un mushtaba cheezon ki waja se jinke sath woh bheja gaya hoga tabe ho jayega.
(Sunan Abi Dawood : 4319, Al-Sahi ul Masnad : 1024, Takhreej mishkaat ul masaabeeh 5/138, 5418, Sahih ul Jam'e : 6301)
DAJJAL
Dajjal zameen par chalees (40) din tak rahega uska ek din 1 saal ke barabar hoga, aur ek din ek maheene ke, ek din ek hafte ke barabar, aur baqi 37 din aam dino ki tarah.
(Farman e Rasoolullah (ﷺ))
SAR ZAMEEN E SHAAM
DAJJAL AUR USKE AALA-KAARON KI HALAAKAT KI SAR-ZAMEEN
Rasoolullah (ﷺ) ne irshad farmaya :
"Maseeh Dajjal Mashriq se aayega aur Madina ki janib paish-qadmi karega, yahan tak k woh Uhad Pahad ke peechhe tak pahunch jayega, phir farishte use "Sar-Zameen e Shaam" ki taraf bhaga denge aur phir woh Shaam mein hi halaak hoga.
(Sahih Muslim : 3417)
