EIZA-RASAANI KA WABAAL !
Hazrat Abu Hurairah rz. farmate hain k Rasoolallah (ﷺ) se poochha gaya: A Allah ke Rasool (ﷺ) !
Falani Aurat rat ko tahajjud padhti hai aur din ko (nafli) roza rakhti hai, nek amal karti aur sadqa deti hai lekin woh apni zaban se apne padosiyon ko takleef deti hai. (Uske baare mein Aap (ﷺ) kya farmate hain?)
Rasoolullah (ﷺ) ne farmaya k is aurat mein koi khair nahi hai aur ye jahannumiyon mein se hai.
Phir Aap (ﷺ) se poochha gaya k falani aurat (sirf) farz Namazein ada karti hai aur kabhi-kabhar paneer ke tukde bhi sadqa kar deti hai albatta kisi ko takleef nahi deti (iske bare mein Aap (ﷺ) kya Irshad farmate hain?)
Rasoolallah (ﷺ) ne irshad farmaya k ye Ahl e Jannat mein se hai.
(Al-Adabul mufarrd lil-imam Al-Bukhari : 119)
