VOTE KI ROSHNAI KE SATH WUZU AUR GHUSAL KA HUKM

UNWAAN:- Vote ki roshnai ke sath wuzu aur ghusal ka hukm

SAWAL : Election mein meri duty logon ki ungliyon mein ink (siyahi) lagane ki thi jiski waja se meri ungliyon par ink ki mori parat jam gayi jo chhudane se bhi nahi chhutti hai kayi martaba chhudane ki koshish par nahi chhoota to maine isi haalat mein wuzu karke namaz padhni shuru kar di to kya meri namaz hui ? Doosre ye k ab kuchh dino ke ba'ad woh ink khud ba-khud utarta rehta hai agar wuzu banane ke ba'ad woh ink utra ya maine khud utara to kya mujhe dobara wuzu karni padegi ? Barah e karam jawab de kar shukriya ka mouqa inayat farmayein.

JAWAB

بسم الله الرحمن الرحيم

(1,2) : Election ke mouqe par bayein 👈🏻 hath ki ungli par vote dene ki alaamat o nishani ke taur par jo roshnai lagayi jati hai, is se sirf rang chadhta hai, parat nahi jamti, albatta is roshnai mein chemical ki milawat ki waja se khal ka oopri hissa mutassir ho jata hai aur ba'az martaba jab woh roshnai khatm hoti hai to khaal ka oopri hissa lekar khatm hoti hai, pas jab ye mehez rang hai , iske sath koi parat nahi jamti to uske sath wuzu aur ghusal bhi durust hota hai aur namaz bhi ho jati hai. Aur agar kisi ki ye roshnai wuzu ya ghusal ke ba'ad zail hui to use na wuzu ya ghusal lautane ki zaroorat nahi aur na roshnai ka hissa dobara dhone ki.

Wallahu Ta'ala a'alam 

Darul ifta, Darul uloom

سوال نمبر: 171195

عنوان: ووٹ کی روشنائی کے ساتھ وضو اور غسل کا حکم

سوال: الیکشن میں میری ڈیوٹی لوگوں کی انگلیوں میں انک (سیاہی) لگانے کی تھی جس کی وجہ سے میری انگلیوں پر انک کی موٹی پرت جم گئی جو چھرانے سے بھی نہی چھٹتی ہے کئی مرتبہ چھرانے کی کوشش کی پر نہیں چھوٹا تو میں نے اسی حالت میں وضو کر کے نماز پڑھنی شروع کردی تو کیا میری نماز ہوئی؟ دوسرے یہ کہ اب کچھ دنوں کہ بعد وہ انک خود بخود اتر تا رہتا ہے اگر وضو بنانے کے بعد وہ انک اترا یا میں نے خود اتارا تو کیا مجھے دوبارا وضو کرنی پڑے گی ؟ براہ کرم جواب دیکر شکریہ کا موقع عنایت فرمائیں۔

جواب نمبر: 171195

بسم الله الرحمن الرحيم

Fatwa:891-878/N=12/1440

(۱، ۲): الیکشن کے موقعہ پر بائیں ہاتھ کی انگشت ِسبابہ پر ووٹ دینے کی علامت ونشانی کے طور پر جو روشنائی لگائی جاتی ہے، اُس سے صرف رنگ چڑھتا ہے، پرت نہیں جمتی؛ البتہ اس روشنائی میں کیمکل کی آمیزش کی وجہ سے کھال کا اوپری حصہ متاثر ہوجاتا ہے اور بعض مرتبہ جب وہ روشنائی ختم ہوتی ہے تو کھال کا اوپری حصہ لے کر ختم ہوتی ہے، پس جب یہ محض رنگ ہے، اس کے ساتھ کوئی پرت نہیں جمتی تو اس کے ساتھ وضو اور غسل بھی درست ہوتا ہے اور نماز بھی ہوجاتی ہے۔ اور اگر کسی کی یہ روشنائی وضو یا غسل کے بعد زائل ہوئی تو اسے نہ وضو یا غسل لوٹانے کی ضرورت نہیں اور نہ روشنائی کا حصہ دوبارہ دھونے کی۔

واللہ تعالیٰ اعلم دارالافتاء، دارالعلوم دیوبند