HADEESN OR SUNNAT ME FARK

Huzoor akram sallallahu alaihi wasallam ke afa'aal ba etbaar majmooi 2 qism par hain, JAAYEZ UL ITTIBA aur HARAAM UL ITTIBAA phir jaayez ul ittiba ho kar ya mustahab hoga, ya sunnat ya waajib, ya farz, is liye ke kisi fa'l ke istihbaab (pasandeedah hone) ya sunnat, ya wujoob (waajib hone) ya farziyet ke aage woh fa'l fee nafsihi (apne aap me) jawaaz ke martaba me hona padega, koi fa'l naa jaayez ho kar sunnat wa mustahab nahi ho sakta.
Aur haraam ul ittibaa se huzoor akram sallallahu alaihi wasallam ki khususiyaat muraad hain masalan: ba yak waqt 9 azwaaj e mutahharaat ko apne aqd me rakhna, aisa hi tawaaf alal baeer, aisa hi shaba rozi auqaat me se kisi waqt iftaar na karke din ko bhi raat ko bhi roza rakhna jiski ittiba se huzoor sallallahu alaihi wasallam ne mana farmaaya hai.
Is qism ki khususiyaat ki ittiba karna jaayez nahi.
Baher haal lafz hadees jaayez ul ittiba aur haraam ul ittiba dono qism ke af'aal ko shaamil hai, yahi wajah hai ke hadees ki ta'reef me jo nabi ke aqwaal aur af'aal ka zikr hai isme jaayez ul ittibaa me wa ghairah ki koi qaid nahi hai balke aam hai, ke jaayez ul ittibaa ho ya na ho lekin lafz SUNNAT sirf jaayez ul ittiba af'aal ko kaha jaayega, ab khususiyaat e nabi sallallahu alaihi wasallam jaise 9 auraton ko bayek waqt zaujiyet me rakhna wa ghairah agarche huzoor sallallahu alaihi wasallam ke af'aal ho kar hadees to hai lekin qaabil amal sunnat nahi, sunnat sirf woh amal hai jo qaabil e amal ho, lehaaza har sunnat hadees to hai lekin har hadees sunnat nahi hai, jaisaake har insaan haiwaan to hai lekin har haiwaan insaan nahi, pas in dono ke darmiyaan aam khaas mutlaq ki nisbat hai, jise ahle ilm bakhubi jaante hain, hadees aur sunnat me tameez karna (naam nihaad) ahle hadees ghair muqallideen jaahilo ka kaam nahi hai, chunki har hadees jaayez ul amal nahi aur sunnat sirf jaayez ul amal hi ko kaha jaata hai, is liye huzoor sallallahu alahi wasallam ne farmaaya''Mainetum me 2 cheezein chhodi hain, jab tak tum in dono ko mazboot pakde rakhoge hargiz hargiz gumraah na hoge, Allah ki kitab aur uske Rasool (sallallahu alaihi wasallam) ki sunnat''
Yahan''SUNNAT RASOOLIHI''waarid hai HADEES RASOOLIHI''nahi
Aur''ALAIKUM BISUNNATEE WA SUNNATIL KHULAFAIR RAASHIDEEN''farmaaya ke tum apne upar meri sunnat aur khulafa raashideen ki sunnat ko pakdo.''ALAIKUMBI HADEESI''nahi farmaaya, isi wajah se ham logo ka laqab AHLE SUNNAT hai, naa ke AHLE HADEES
Ghair muqallideen logo ko dhoka dene ke liye apne firqa ka naam AHLE HADEES rakhte hain, haalaanke ye laqab muhaddiseen ka hai aur jaahilo ko ahle hadees kehna kisi bewqufi se kam nahi hai.
Allah ham sabhi ko saheeh samjhne ki taufeeq ata farmaaye! (aameen)