INSAN KE INTIQAL PAR IZHAR E GHAM KA ISLAMI TAREEQA !

Aankhon 👀 se aansu ka jari hona aur gham o museebat ke waqt dil ka ghamgeen ho jaana mamnu aur naa-pasandida nahi hai, balke dil 💓 ke narm aur raham ke jazbaat se bharpoor hone ki nishani hai. Mamnu zaban 👅 ka ghalat istemal hai jis se bachne ki Aap (ﷺ) jagah-jagah talqeen farmaate hain chunanche ek riwaayat mein Aap (ﷺ) irshad farmaate hain:

Beshak Allah Rabbul izzat aankhon 👀 mein aane wale aansu aur dil ke ghamgeen hone ki wajah se azaab nahi dega, lekin woh iske yani zaban 👅 ki wajah se azaab dega ya reham karega aur marne wale ko us par been karne walon ki wajah se azaab diya jayega.

(Muttafiq aliya, Mishkaat : 150)

Faaydah:- Ma'loom ye hua k gham ke mawaqe par zaban 👅 ko qaabu mein rakhna, aur been karne, cheekhne chillane se, har qeemat par parhez karna chahiye warna jahan ajr o sawab zaya ho jayega wahin nama e a'amaal mein be-sabri ka gunah bhi darj kar diya jayega aur marne wale ko bhi ruhani kulfaton se do-chaar hona padega. Allah Rabbul izzat ham sabko apne Nabi (ﷺ) ki hidayat par amal paira hone ki taufeeq ataa farmaye.