UMMEED AUR KHAUF

Hazrat Anas raziyallahu anhu se murawwi hai k Nabi e Kareem (ﷺ) ek qareebul-marg naujawan ke paas tashreef le gaye aur us se poochha tum apne bare mein kya mehsoos kar rahe ho ? Is naujawan ne arz ki k Ya Rasoolullah ! Mai Allah Rabbul-izzat se Rahmat aur maghfirat ki ummeed rakhta hun aur apne gunahon se bhi darta hun. Nabi e Kareem (ﷺ) ne farmaya : Jab kisi bande ke dil mein mout ke waqt ye dono batein ikatthi ho jayein ya'ni ummeed e Rahmat aur khauf o khashiyyat to Allah Ta'ala usko woh cheez ata farma deta hai jiski woh Allah se ummeed rakhta hai ya'ni Rahmat aur jiske wabaal se panah chahta hai ya'ni gunah se muaafi.

(Jame Tirmizi : 905)