ULTI CHAPPAL YA JUTE KO SEEDHA KARNE KA HUKM

Ulti Chappal 🩴 ko seedhi karne ka hukm 

SAWAL: Chappal 🩴 ya joota👞 agr ulta ho yani inke niche wala hissa aasman ki taraf ho to inke ahtemam se seedha kar dena Achcha amal he ya bid'at ?  

JAWAB: Kisi bhi cheez ko uski asal ke mutabiq rakhna daira e adab or tehzeeb me shamil he chappal jute ka tariqe or saliqe se rakhna adab mein se he mazeed yeh ke  Chappal 🩴 ki nichli janib par mitti lagne ki wajah se meli ya baaz awqaat gandgi bhi lagi hoti he,jisse tabiyat me karahat hoti he,neez kisi bhi mohtaram shaks ki janib chappal ki nichli janib ka rukh karna pasandida nahi he,is aitbaar se Chappal ki nichli janib ka rukh bhi aasman ki taraf hona pasandida nahi he, lihaza chappal seedhi karna rahat rasani ka zariya he,is liye achchi baat he or ye adaab mein se he,

Iska taalluq farz wajib sunnat ya bidat wagherah me se nahi he, jo seedha na kare usko toka bhi na jaye or jo seedha kare use sunnat ya lazim ka darja na de, faqat wallah hu alam,,

(Darulifta Banuri Town)