NAMAAZ KUSOOF O KHUSOOF

NAMAAZ KUSOOF(SOORAJ GRIHAN) O KHUSOOF(CHAAND GRIHAN)

NAMAAZ KUSOOF (SOORAJ GRIHAN):-

*Kusoof (sooraj grihan) ke waqt 2 rakat namaaz masnoon hai.

*Namaaz kusoof jammaat se adaa ki jaaye baashart ye ki imaam jumaa ya haakim waqt ya uska naayab imaamat kare aur ek riwaayat me hai ki har imaam masjid apni masjid me namaaz kusoof padhaa sakta hai.

*Namaaz kusoof ke liye azaan ya iqaamat nahi balki logon ko jamaa karna maqsood ho to ASSALAAMU JAAMIAH pukaar diya jaaye.

*Namaaz kusoof mee badi- badi suraton ka misl Surah baqarah waghairah ka padhna aur rukoo w sujood ka bahut der tak adaa karna masnoon hai aur qiraat aahista padhe.

* Namaaz ke baad imaam ko chaahiye ki duaa me masroof ho jaaye aur sab muqtadi AAMEEN-AAMEEN kahe jab tak grihan mouqoof na ho jaaye duaa me mashghool rehna chaahiye, haan agar aisi haalat me aaftaab ghuroob ho jaaye ya kisi namaaz ka waqt aajaaye to duaa ko mouqoof karke namaaz me mashghool ho jaana chaahiye

NAMAAZ KHUSOOF(CHAAND GRIHAN):-

*Khusoof(chaand grihan) ke waqt bhi 2 rakat namaaz masnoon hai magar  iski jamaat masnoon nahi ,sab log alehdah alehdah namaazen padhen aur apne apne gharo me padhen ,masjid me jaana bhi masnoon nahi.

NOTE:- Isi tarah jab koi khauf ya museebat [aish aaye to namaaz padhna masnoon hai maslan sakht aandhi chale,zalzala aaye ya bijli gire ya sitaare bhut tooten ya barf bhut gire ya paani bhut barse ya koi marz e aam jaise-haiza waghairah phail jaaye ya kisi dushman waghairah ka khauf ho magar in awqaat me jo namaaze padhi jaayen unme jamaat na ki jaaye har shakhs apne ghr me tanha padhe.NABI(S.A.W.) ko jab koi museebat ya ranj ho har shakhs apne apne ghar me tanhaa padhe. NABI( S.A.W.)  ko jab koi museebat ya ranj hota to namaaz me mashghool ho jaate.