FARZ, WAAJIB ,SUNNAT KYA HAI?

SAWAALAAT

*Faraaiz, Waajibaat, Masnoonaat aur Mustahbaat kisko kehte hain?

*Farz, Waajib, Sunnat, Mustahab, Makrooh, Mubaah, Haraam inke ma,any v matlab kya hai?

JAWAAB

1-FARZ:- 

 Farz woh hai jo daleel qata,ee se saabit ho, ya,ani iske saboot me shak v shubah na ho , jaise maslan Quraan Shareef se saabit ho , Bila uzar iska taarik Faasiq aur azaab ka mustahiq hai aur Farziyat ka munkir Kaafir hai.

(A)FARZ E AIN:- 

Farz e ain woh hai jiski adaaygi sabke zimme zaroori ho jaise Namaaz panjgaana waghairah.

(B)FARZ KIFAAYA:-

Farz kifaaya woh hai jiski adaaygi tamaam ke zimme nahi , ek , do ke adaa karne se sab bareeuzzimma ho jaate hain aur koi bhi adaa na kare to sab gunaahgaar honge jaise Namaaz janaazah waghairah. (Dar Mukhtaar Ma,ashaami,J:1).

2-WAAJIB:- 

Waajib woh hai jo daleel zany se saabit ho iska taarik azaab ka mustahiq hai iska munkir faasiq hai kaafir nahi.

3-SUNNAT:-

 Sunnat woh kaam hai jisko nabi kareem (S.A.W.) ne aur Sahaaba Karaam Rizwaanullaah Ta,aala Alaihim Ajma,een ne kiya ho aur iski taakeed ki ho.
  Iski 2 qismen hain-
(A)Sunnat Mokkadah
(B)Sunnat ghair Mokkadah.

(A)SUNNAT MOKKADAH:- 

    Sunnat Mokkadah woh hai, jisko Huzoor (S.A.W.) aur  Sahaaba karaam Rizwaanullaah Alaihim Ajma,een ne hamesha kiya ho ya karne ki taakeed ki ho aur bila uzar kabhi tark na kiya ho iska hukm bhi amlan waajib ki tarah hai ya,ani bila uzar iska taarik gunaahgaar aur tark ka aadi sakht gunaahgaar  aur faasiq hai aur shafaa,at Nabi (S.A.W.) se mehroom rahega. (Dar  mukhtaar).