MARHUMEEN KE DARJAAT BULAND KARWAYEIN

Rasoolullah (ﷺ)  ne Irshad farmaya:- 

Yaqeenan ek shakhs ke liye jab Jannat mein darja buland kiya jata hai to woh arz karta hai: "Ae Mere Rab ! Mera ye darja kaise buland ho gaya? (Kyonke maine to ab koi amal kiya hi nahi)"

Us shakhs se kaha jata hai: " Tere bete ke tere liye astaghfaar karne ki wajah se ye darja buland hua hai."

(Sunan Ibn e Maaja : 3660, Hadees Saheeh)

Zara sochein! Hamare walidain ,Dada-Dadi aur Nana-nani ke kis qadar ahsaanaat hain. In buzurgon ko ham se tawaqqaat hongi aur woh socha karte honge k unki nasal mein aane wale log unke liye duaa e maghfirat aur eisaal e sawaab karenge. Lekin aaj hamara kya haal hai? Ham sabko khud ma'aloom hai. Agar aaj ham apne marhumeen ke liye duaa e maghfirat aur eisaal e sawab ka ahtimam karenge to kal jab ham Aalam e Barzakh mein honge aur hamein in cheezon ki ashad zarurat hogi to koi hamare liye bhi duaa e maghfirat karne wala hoga. (In,sha,Allah)