QURBANI KIS PAR WAJIB HAI

SAWAAL N. : 27505

Qurbani ke silsile mein sawaal hai.

1️⃣: Kis par Qurbani wajib hai?

2️⃣: Kya aisa shakhs jiske pas koi bachat na ho aur woh sirf apni family ke zaruri ikhrajaat poora karta ho to kya us par Qurbani wajib hogi?

3️⃣: Meri biwi ki milkiyat mein Sona aur kuchh zewraat hain jiski mai zakat deta hun kya in zewraat ki malyat par qurbani wajib hogi?

4️⃣: Kya zindon ke muqable mein marhumeen (walidain, rishtedar) ke naam qurbani karna zyadah behtar hai?

5️⃣: Kya jinke naam se qurbani di jaye us waqt unka moujood rehna afzal hai? Mai khas kar aurton ki moujoodgi ke bare mein poochhna chahta hun.

6️⃣: Qurbani ke liye kis qism ka janwar hona achchha hai? Qurbani se pehle agar Qurbani ke janwar mein koi nuqs (maslan: gabhan hona, dauran e safar zakhmi hona ya kisi ahem bimari ka hona) ho to khari-dar ko kya karna chahiye?

7️⃣: Agar janwar Qurbani ke liye laya jaye magar woh mar  jaye ya usko chor lekar chala jaye to hisse-daron ko kya karna chahiye? Kya unhein naya janwar khareedna chahiye? Chahe woh sahib e nisab ho ya aam aadmi ho/ dono ke bare mein batayein. Barah e karam , in tamam sawalaat par hamari rehnumai farmayein.

JAWAAB N. : 27505
بسم الله الرحمن الرحيم

1️⃣: Jiski milk mein sadhe baawan (52½) tola Chandi ya uske baqadar rupees ya itni qeemat ki koi aur cheez hajat e asliya se zaaid ho to us par Qurbani wajib hai. Yahi hukm us soorat mein bhi hai jabke kuchh Sona , kuchh Chandi, kuchh naqdi aur kuchh saman hajat e asliya se zaaid ho aur unki qeemat 52.5 tola Chandi ki qeemat ko pahunch jaye.

Khulasa ye hai k agar ek se nisaab poora na hota ho aur doosre ke mila dene se nisaab poora ho jata hai to dono ko mila kar nisaab poora kar lenge aur aisi soorat mein us par qurbani wajib hogi.

والموسر في ظاہر الروایة: من لہ مائتا درہم أوعشرون دینارًا أو شيء یبلغ ذلک سوی مسکنہ ومتاع مسکنہ․․․ فعلیہ الأضحیة.

(Al-hindiya : 5/292, Shami : 9/453, majma'ul anhar : 4/167)

2️⃣: Aise shakhs par qurbani wajib nahi hai, ba-shart ye k uske pas haajat e asliya se zaaid samaan itni miqdar mein na ho jis se nisaab poora ho jata hai.

وأما شرائط الوجوب، منہا: الیسار،وہو من لہ مائتا درہم أو عشرون دینارًا أو شيء یبلغ ذلک سوی مسکنہ․․․إلی قولہ․․․ في حاجتہ التی لا یستغني عنہا

(Hindiya : 5/292, Baday'a : 4/196)

3️⃣: Ji han ! In zewraat ki maliyat par Qurbani wajib hogi.

4️⃣: Agar khud sahib e nisab hai to usko pehle apni taraf se qurbani karna wajib hai, iske tark ki gunjaish nahi, uske ba'ad agar gunjaish hai to apne mayyat rishte-daron bil-khusoos Aan-Hazrat (ﷺ) ki taraf se bhi kar deni chahiye.

فینبغي لمن وجد سعة أن یضحي عن حبیبہ صلی اللہ علیہ وسلم کل عام ولو بشاة (إعلاء السنن)

Ismein afzaliyat ke mta'alliq koi sareeh daleel nahi hai, Zinda ki taraf se kare ya mayyat ki taraf se kare.

5️⃣: Jinke naam se Qurbani di ja rahi hai un sabka Qurbani ke waqt moujood hona zaroori nahi hai, balke ijazat kafi hai, albatta moujood hona mustahab hai.

وندب أن یذبح بیدہ إن علم ذلک وإلا یعلمہ شہدہا بنفسہ ویأمر غیرہ بالذبح 

(Dare Mukhtar : 5/231)

Aur aurton ke liye ye hai k agar shurka mehram hon aur be-pardagi ka khatra na ho to uska bhi moujood hona mustahab hai warna nahi. Rasoolullah (ﷺ) ne Hazrat Fatima ( ؓ ) ko moujood rehne ka hukm diya tha.

قال رسول اللہ (ﷺ): ”قومي یا فاطمة، فأشہَدي أضحیتَکِ فإنہ یُغفر لکِ بأول قطرة من دمہا کل ذنب عملتِہ، وقولي: ﴿اِنَّ صَلَاتِیْ وَنُسُکِیْ وَمَحْیَایَ وَمَمَاتِیْ لِلَّہِ رَبِّ الْعَالَمِیْنَ․ لاَ شَرِیْکَ لَہ﴾۔

6️⃣: Aise janwar ki Qurbani behtar hai jo farba ho, mota-tazah ho, jiska gosht lazeez ho, zyadah qeemat wala ho, baqi jiski jaisi haisiyat ho woh apni haisiyat ke mutabiq janwar khareede. Neez qurbani se pehle janwar ka gabhan hona zahir hua to bhi uski Qurbani jaaiz hai, lekin agar wilaadat ka zamana bilkul qareeb hai to makrooh hai:

شاة أو بقرة أشرفت علی الولادة، قالوا یکرہ ذبحہا؛ لأن فیہ تضییع الولد.

(Hindiya : 6/92)

Ya Qurbani se pehle janwar bimar ho gaya to agar aisi bimari hai ya aisa zakhm hai jiski wajah se qurbani durust na rahi to uske liye doosra janwar khareedna zaruri hai ba-shart ye k woh ghani ho aur agar faqeer hai to wahi janwar kafi hai, aur agar ma'amooli bimari hai k jiski wajah se uski qurbani mamnoo nahi to uske zimme doosra janwar khareedna wajib nahi.

ولو اشتراہا سلیمة ثم تعیبت بعیب مانع فعلیہ إقامة غیرہا مقامہا إن کان غنیًا وإن کان فقیرًا؛ أجزأہ ذلک.

(Dare Mukhtar : 5/207)

7️⃣: Agar janwar Qurbani se pehle mar gaya ya chori ho gaya to agar shurkaa maal-daar hain; to unko doosra janwar khareedna hoga aur agar aam aadmi hain (ghreeb hain) to unke zimme doosra janwar khareed kar qurbani karna lazim nahi hai.

إذا ماتت المشتراة للتضحیة علی موسر تجب مکانہا أخری ولا شيء علی الفقیر.

(Majma'ul anhar : 3/173)

Walkahu Ta'ala a'alam

Dar ul ifta,

Dar ul uloom Deoband

سوال نمبر: 27505

.قربانی کے سلسلے میں سوال ہے

(۱) کس پر قربانی واجب ہے؟

 (۲) کیا ایسا شخص جس کے پاس کوئی بچت نہ ہواور وہ صرف اپنی /فیملی کی ضروری اخراجات پورا کرتاہو تو کیا اس پر قربانی واجب ہوگی؟

(۳) میری بیوی کی ملکیت میں سونا اور کچھ زیورات ہیں جس کی میں زکاة دیتاہوں، کیا ان زیورات کی مالیت پر قربانی واجب ہوگی؟

(۴) کیا زندوں کے مقابلہ میں مرحومین (والدین ، رشتہ دار )کے نام قربانی کرنا زیادہ بہترہے؟ 

(۵) کیا جن کے نام سے قربانی دی جائے اس وقت اس کا موجود رہنا افضل ہے؟میں خاص کر عورتوں کی موجودگی کے بارے میں پوچھنا چاہتاہوں۔

(۶) قربانی کے لیے کس قسم کا جانورہونا اچھا ہے؟قربانی سے پہلے اگرقربانی کے جانور میں کوئی نقص(مثلاً ، گابھن ہونا، دوران سفر زخمی ہونایا کسی اہم بیماری کاہونا) ہوتو خریدار کو کیا کرنا چاہئے؟

(۷) اگر جانور قربانی کے لیے لایا جائے مگر وہ مرجائے یا اس کو چور لے کر چلاجائے تو حصہ داروں کو کیا کرنا چاہئے؟کیا انہیں کیا نیا جانور خریدنا چاہئے؟ چاہے وہ صاحب نصاب ہو یا عام آدمی ہو/دونوں کے بارے میں بتائیں۔ براہ کرم، ان تمام سوالات پر ہماری رہنمائی فرمائیں۔ 

جواب نمبر: 27505

بسم الله الرحمن الرحيم

فتوی(ل): 1832=530-1/1432

(۱) جس کی ملک میں ساڑھے باون تولہ چاندی یا اس کے بقدر روپئے یا اتنی قیمت کی کوئی اور چیز حاجتِ اصلیہ سے زائد ہو اس پر قربانی واجب ہے۔ یہی حکم اس صورت میں بھی ہے جب کہ کچھ سونا، کچھ چاندی، کچھ نقدی اور کچھ سامان حاجتِ اصلیہ سے زائد ہو اور ان کی قیمت 52.5 تولہ چاندی کی قیمت کو پہنچ جائے۔ خلاصہ یہ ہے کہ اگر ایک سے نصاب پورا نہ ہوتا ہو اور دوسرے کے ملادینے سے نصاب پورا ہوجاتا ہے، تو دونوں کو ملاکر نصاب پورا کرلیں گے اور ایسی صورت میں اس پر قربانی واجب ہوگی۔ والموسر في ظاہر الروایة: من لہ مائتا درہم أوعشرون دینارًا أو شيء یبلغ ذلک سوی مسکنہ ومتاع مسکنہ․․․ فعلیہ الأضحیة (الہندیة: ۵/۲۹۲، شامي: ۹/۴۵۳، مجمع الأنہر :۴/۱۶ 

(۲) ایسے شخص پر قربانی واجب نہیں ہے، بشرطیکہ اس کے پاس حاجت اصلیہ سے زائد سامان اتنی مقدار میں نہ ہو جس سے نصاب پورا ہوجاتا ہے۔ وأما شرائط الوجوب، منہا: الیسار،وہو من لہ مائتا درہم أو عشرون دینارًا أو شيء یبلغ ذلک سوی مسکنہ․․․إلی قولہ․․․ في حاجتہ التی لا یستغني عنہا (ہندیة: ۵/۲۹۲، بدائع: 

۴/۱۹۶)

(۳) جی ہاں ان زیورات کی مالیت پر قربانی 

واجب ہوگی۔

(۴) اگر خود صاحبِ نصاب ہے تو اس کو پہلے اپنی طرف سے قربانی کرنا واجب ہے، اس کے ترک کی گنجایش نہیں، اس کے بعد اگر گنجایش ہے تو اپنے میت رشتہ داروں بالخصوص آنحضرت صلی اللہ علیہ وسلم کی طرف سے بھی کردینی چاہیے۔ فینبغي لمن وجد سعة أن یضحي عن حبیبہ صلی اللہ علیہ وسلم کل عام ولو بشاة (إعلاء السنن) اس میں افضلیت کے متعلق کوئی صریح دلیل نہیں ہے، زندہ کی طرف سے کرے یا میت کی طرف سے کرے۔
(۵) جن کے نام سے قربانی دی جارہی ہے ان سب کا قربانی کے وقت موجود ہونا ضروری نہیں ہے؛ بلکہ اجازت کافی ہے، البتہ موجود ہونا مستحب ہے: وندب أن یذبح بیدہ إن علم ذلک وإلا یعلمہ شہدہا بنفسہ ویأمر غیرہ بالذبح (درمختار: ۵/۲۳۱) اور عورتوں کے لیے یہ ہے کہ اگر شرکاء محرم ہوں اور بے پردگی کا خطرہ نہ ہو تو اس کا بھی موجود ہونا مستحب ہے ورنہ نہیں۔ رسول اللہ صلی اللہ علیہ وسلم نے حضرت فاطمہ رضی اللہ عنہا کو موجود رہنے کا حکم دیا تھا۔ قال رسول اللہ صلی اللہ علیہ وسلم: ”قومي یا فاطمة، فأشہَدي أضحیتَکِ فإنہ یُغفر لکِ بأول قطرة من دمہا کل ذنب عملتِہ، وقولي: ﴿اِنَّ صَلَاتِیْ وَنُسُکِیْ وَمَحْیَایَ وَمَمَاتِیْ لِلَّہِ رَبِّ الْعَالَمِیْنَ․ لاَ شَرِیْکَ لَہ﴾۔
(۶) ایسے جانور کی قربانی بہتر ہے جو فربہ ہو، موٹا تازہ ہو، جس کا گوشت لذیذ ہو، زیادہ قیمت والا ہو، باقی جس کی جیسی حیثیت ہو وہ اپنی حیثیت کے مطابق جانور خریدے۔ نیز قربانی سے پہلے جانور کا گابھن ہونا ظاہر ہوا تو بھی اس کی قربانی جائز ہے، لیکن اگر ولادت کا زمانہ بالکل قریب ہے تو مکروہ ہے: شاة أو بقرة أشرفت علی الولادة، قالوا یکرہ ذبحہا؛ لأن فیہ تضییع الولد (ہندیہ: ۶/۹۲) یا قربانی سے پہلے جانور بیمار ہوگیا تو اگر ایسی بیماری ہے یا ایسا زخم ہے جس کی وجہ سے قربانی درست نہ رہی تو اس کے لیے دوسرا جانور خریدنا ضروری ہے بشرطیکہ وہ غنی ہو اور اگر فقیر ہے تو وہی جانور کافی ہے، اور اگر معمولی بیماری ہے کہ جس کی وجہ سے اس کی قربانی ممنوع نہیں تو اس کے ذمے دوسرا جانور خریدنا واجب نہیں۔ ولو اشتراہا سلیمة ثم تعیبت بعیب مانع فعلیہ إقامة غیرہا مقامہا إن کان غنیًا وإن کان فقیرًا؛ أجزأہ ذلک (درمختار: ۵/۲۰۷)
(۷) اگر جانور قربانی سے پہلے مرگیا، یا چوری ہوگیا، تو اگر شرکاء مال دار ہیں؛ تو ان کو دوسرا جانور خریدنا ہوگا اور اگر عام آدمی ہیں (غریب ہیں) تو ان کے ذمے دوسرا جانور خریدکر قربانی کرنا لازم نہیں ہے: إذا ماتت المشتراة للتضحیة علی موسر تجب مکانہا أخری ولا شيء علی الفقیر (مجمع الأنہر: ۳/۱۷۳)

واللہ تعالیٰ اعلم

دارالافتاء،
دارالعلوم دیوبند