SAWAL : Duniya 🌍 bhar ke musalman, yom arafa ka roza kab rakhein ? Mulk ke calender (islami /qamri) ke hisab se 9zil-hijjah ko ya hajj ke dauran hajjaj karam ke waqoof (jis din hajj hota he haji arafaat me hote he) arafa ke din? Tafseel se jawab dein..
Note: Puri tehreer padhne se pehle hum aap ko bata dein ki is masle me saudi ulma or ahle hadees ulma hanfi ulma (db) (bvi) ulma ka yahi manna hai..
SAWAAL:- Duniya bhar ke musalman, yaum e arfa ka roza kis din rakhein? Apne mulk ke qamri calender ke hisab se 9️⃣ Zil-hijjah ko ya Hajj ke dauran Hujjaaj e karam ke waqoof e arafaat ke din? Tafseel se jawaab dein
JAWAAB !!
!! الحمدلله !!
9️⃣ ZIL-HIJJ YANI ARFA KA 1️⃣ ROZAH 2️⃣ SALL KE GUNAAHON KI MU'AFI KA SABAB
📚 Abu Qataadah Ansari Rz. se riwaayat hai k Aap (ﷺ) se Arfa ke din ke roze ke bare mein poochha gaya,
To Aap (ﷺ) ne farmaya: guzre hue 1️⃣ saal aur aane wale 1️⃣ saal (ke gunahon) ka kaffarah ban jata hai.
(Sahih Muslim, kitabus-syaam, 1162)
Lekin bad-qismati se hamare yahan logon ne is fazeelat wale roze ko bhi ikhtilaaf ki bhent chadha diya aur log roza rakhne ikhtilaf ka shikar ho gye.
Is ikhtilqaf ka sabab dar-asal ruyat hilal ki roo se aur mukhtakif mumalik mein Qamri tareekh ke mukhtalif hone se talluq rakhta hai. Is ikhtilaaf ka koi wazeh saboot kam o besh nisf sadi pehle tak nahi milta albatta ab kuchh saalon se ye ikhtilaaf ubhar kar samne aa raha hai, halanke ye baat wazeh hai k jis mulk mein jab 9️⃣ zil-hijjah hogi , woh yaum e arfa hoga aur wahan ke logon ko usi din yaum e arfa ka roza rakhna hoga.
Iski daleel mein sahih Bukhari ki darj e zel hadees hai:
📚 Nabi e Kareem (ﷺ) ne farmaya:
صُومُوا لِرُؤْيَتِهِ وَأَفْطِرُوا لِرُؤْيَتِهِ ، فَإِنْ غُبِّيَ عَلَيْكُمْ فَأَكْمِلُوا عِدَّةَ شَعْبَانَ ثَلَاثِينَ –
(Sahih Bukhari, Kitabus-saum : 1909)
Chaand dekh kar roza rakho aur chaand ko dekh kar rozon ka ikhtitaam karo aur agar tum par chaand makhfi ho jaye to phir tum Sha'abaan ke 3️⃣0️⃣ din poore kar lo, is Hadees se chaand dekhne aur Qamri tareekh ki ahemiyat dekhi ja sakti h.
Agar Barr e sagheer, Japan, Koria ke musalman baghair chaand dekhe, Saudi Arab ke mutabiq Ramazaan ke roze shuru kar dein aur Eid bhi mana lein to kya ye sahih hoga?
📚 Sahih Muslim mein ek hadees yun hai k mulk Shaam mein Hazrat Ameer Ma'awiya Rz. samet baqi logon ne jume ki raat chaand dekh kar roza rakha,
Aur Madina Manawwarah ke logon ne is se agle din hafte ki sham ko chaand dekh kar roza rakhna shuru kiya.
Abdullah bin Abbas Rz. ne kaha k ham to 3️⃣0️⃣ roze poore rakhenge ya phir chaand delh kar Eid kar lenge.
Hazrat Kareb kehne lage k kya Ma'awiya ka chaand dekhna air roza rakhna kafo nahi?
To Abdullah bin Abbas Rz. Farmane lage k nahi,
Nabi e Akram (ﷺ) ne hamein isi tarah karne ka hukm diya hai.
(Sahih hadees , Kitabus-siyaam : 1087)
Is Hadees mein fuqaha e Madina ne ahl e Shaam ke ek din pehle roza rakhne ki khabar ko buniyad bana kar ahl e Madina ko ye fatwa nahi diya k tum ek roza qaza karo kyonke Sham mein chand ho chuka tha balke ye keh kartaal diya k unki ruyyat (chand) unke liye aur hamari ruyat hamare liye hai aur (Nabi (ﷺ) ne hamein aisa hi hukm diya hai)
📚 Pehla a'etiraaz
Doosri taraf kuchh logon ka
Doosri taraf kuchh logon ka ikhtilaaf hai k moujoodah tez-tar wasail naqal o harkat aur zaraye iblaagh ke pesh e nazar, hujjaj e karam ke maidaan e arafaat mein hone ki khabar lamha ba-lamha duniya 🌏 bhar mein pahunch rahi hoti hai, lihaza yaum e arfa ka roza bhi isi din rakha jaye jab hajjaaj e karam Arafaat mein waqoof karte hain.
IS AQLI DALEEL PAR CHAND ISHKALAAT WAARID HOTE HAIN:
Ba'az mumaalik aise bhi hain jab Saudiya mein din hota hai wahan raat hoti.
Agar in mumaalik ke logHajjaj e karam ke waqoof e Arafaat ke waqt roza rakhein to goya woh log raat ka roza rakhenge??
Aur kuchh aise bhi mumaalik honge jahan Saudiya se bhi pehle chaand nazar aa jata , to kya woh log 1️⃣0️⃣ Zul-hijjah yani Eid ke din arfa ka roza rakhenge??
Doosri ahem baat ye hai k :
Agar chand ka .ukhtalif hona mo'atbar nahi hai to harcheez mein nahi hona chahiye.
Sooraj ke awaqaat mein bhi ikhtilqaf nahi hona chahiye,
Maslan, iftaar o seheri ke awqaat bhi wahi hona chahiye jo Makka-Madina ke awqaat ho.
Namaazon ke awqaat bhi wahi hona chahiye jo Makka-Madina ke awqaat hon.
Agar ye mumkin nahi to uska matlab ye hua k : Chand ka mukhtalif hona namazon aur iftaar o seher ke muamle mein to mo'atbar lekin Ramazaan ke rozon aur yaum e Arfa ke roze mein mo'atbar nahi??
To kya ye baat ghalat nahi??
📚Doosra aetiraaz.Kuchh log kehte hain k Arfa ka roza ka waqoof e Arafaat yani jagah se muta'ayyan hai.
Yahan par woh ghalti karte hain waqf e Arafaqt ka ta'ayyun kis se hota hai?
Lazmi si baat hai iska ta'ayyun bhi chand dekh kar kiya jata hai chand dekhne ke ba'ad 9️⃣ din Hajjaj e karam Arafaat mein jama hote hain to phir aisa kyon hai k baqi tamam maah mein apne mulk ke chand ka aetibaar kiya jata hai magar sirf is din ke liye Saudi arab ke chand ka aetibaar phir to aalpko qurbaani bhi usi din karni chahiye jis din Hajjaj qurbaayni karte hain kyonke 1️⃣0️⃣ zil-hijjah ko yaum-un-nahar hota hai,
Phir ye kaise mumkin hai k ek din ba'ad ham dobarah Saidi Arab ke chand ko chhod kar apne chand kaaetibaar kar lete hain jabke agar 9️⃣ ko waqf e Arafaat ka di ka ta'alluq maqam se hai to phir yaum-un-nahar yani qurbaani ka din 1️⃣0️⃣ zul-hijjah ka ta'alluq bhi maqam se hi hai jab wahan Hajjaj khas maqam par qurbaani karte hain.
📚 JAB SAUDI KE MUFTI SHAIKH IBN E USEMEN RAHIMAHULLAAH TA'ALA SE MANDARJA ZEL SAWAAL KIYA GAYA :
Chand ka matl'a mukhtalif hone ki soorat mein jab yaum e Arfa mukhtalif ho jaye to kya ham apne ilaaqe ki ruyat ke mutababiq Roza rakhein ya k Harmeen ki ruyat ka aetibaar kiya jayega ?
Shaikh Rahimahullah ka jawaab tha:
Ye ahl e ilm ke ikhtilaaf par mubni hai k : aaya saari duniya 🌏 mein chand ek hi hai k matl'a mukhtalif hone ki bina par chand bhi mukhtalif hai?
Sahih yahi hai k : matl'a mukhtalif hone ki bina par chand bhi mukhtalif hain, maslan jab Makka Mukarrama mein chand dkha gaya to uske mutabiq yahan 9️⃣ tareekh hogi , aur kisi doosre mulk mein Makkah se ek din qabl chand nazar aaya to unke yahan 10van din yaum e Arfa hoga, lihaza unke liye us din roza rakhna jaaiz nahi kyonke ye Eid ka din hai aur isi tarah farz karein k ruyat Makka se late ho aur Makka Mukarrama mein 9️⃣ tareekh ho to unke yahan chand ki 8️⃣ tareekh hogi to woh apne yahan 9️⃣ tareekh ke mutabiq roza rakhenge jo Makka ke hisab se 1️⃣0️⃣ tareekh hogi, rajeh qaul yahi hai. Isliye k Rasoolullah (ﷺ) ka farmaan hai:
(Jab chand 🌙 dekho to roza rakho aur jab use dekho to Eid karo)
Aur woh log jinke yahan chand 🌙 nazar nahi aaya unhone chand 🌙 nahi dekha aur jaisa k sab log bil-ijma tuloo fajar aur ghroob e Shams 🌄 mein har ilaaqe ke log isi ilaaqe ke aitibaar se karte hain to isitarah mahine ki toqiyat bhi yaumi toqiyat ki tarah hogi.
Dekhein Majmu'al fataawa : 20
📚 Shaikh Abu Yahya noorpuri sahib likhte hain k !!
Yaum e Arfa se murad 9️⃣ zul-hijjah hi hai,
K agar hajiyon ka Arafat mein therne ka dauraniya hi roze ka waqt qarar diya jaye to un bechare musalmano ka kya banega jo un mulkon ke baasi hain jahan hajiyon ke waqoof, Arafat ke waqt raat hoti hai ? Woh to mehroom ho gaye roza rakhne aur 2️⃣ salon ke gunah muaf karane se !
Halanke islam ke ahkamaat hama-geer bhi hain aur Aalam-geer bhi. America jaise mumalik jin mein hajiyon ke waqoof e Arafat ke waqt raat hoti hai, yaum e Arafa ka roza to unke liye bhi mashru hai, yaum e Arafa se murad hajiyon ka waqoof e Arafat lena is lihaz se bilkul ghair mantqi hai.
Dar-asal 9️⃣ zul-hijjah ke roze ko yaim e Arafa ka roza is mahaul ke madd e nazar ken diya gaya j8s mein ye baat cheet hui thi, kyonke Madina mein yaum e Arafa 9️⃣ zul-hijjah hi ko hota hai.
Isko agar tatbeeqi andaz se samajhna chahein to ye 📚 farman e Rasool dekh lein :
مَا بَيْنَ الْمَشْرِقِ وَالمَغْرِبِ قِبْلَةٌ.
Mashriq o Maghrib ke darmiyan timhara qibla hai.
(Sunan Tirmizi : 342 wasandah e husn)
Agar koi Pakistani Ya Hindustani musalman is hadees ke zahiri alfaz ko madd e nazar rakh kar apne qible ka ta'ayyun karne lage to yaqeenan woh ghair qible ko qibla bana bethega, kyonke Pakistani o Hindustani musalmano ka qibla Mashriq o Maghrib nahi balke Shumal o Junoob ki darmiyani simt hai.
Is Hadees mei dar-asal ye bat samjhayi gayi k qibla-rukh hone mein agar thodi bahot kaji ho bhi jaye to woh muzir nahi, kyonke qible wali kyonke qible wali poori simt hi qibla shumar hogi.
Ab ye simt ahl e Madina ke hisab se Mashriq o Maghrib ke darmiyan banti thi, isliye ye alfaz istemal farmaue gaye, lekin in zahiri alfaz ko daleel bana kar poori duniya mein har jagah qible ki simt ka ta'ayyun nahi kiya ja sakta.
Isi tarah agar yaum e Arafa ke alfaz ke mehel o rood par ghaur kiye baghair mehez zahiri altaz ka tamba kiya jaye to ye sarahatan khtaa par mubni hoga.
Yaum e Arafa Zul-hijjah ki 9️⃣ tareekh hai
Saudi Arab Taif ke mash,hoor blogger aur Shaikh Maqbool Ahmad Salfi likhte hain :
Yaum e Arafa se murad Zul-Hijjah ki 9vi tareekh hai, is baat ko mukhtalif tareeqe se istidlaal karke bataunga.
1️⃣:- QURAN SE ISTIDLAAL
Allah Ta'ala ka farman hai :
وَالْفَجْرِ. وَلَيَالٍ عَشْرٍ. وَالشَّفْعِ وَالْوَتْرِ
(Al-Fajr : 1-3)
Qasam hai fajar ki , aur 1️⃣0️⃣ (das) raton ki aur Jaft o taaq ki.
Yahan mehel Shahid watr ka lafz hai tafseer ibn e kaseer mein hai watr se murad Arfe ka din hai aur ye 9vi tareekh hoti hai to shaf'a se murad 10vi tareekh yani baqr-eid ka din woh taaq hai aur wo jaft hai.
(Tafseer ibn e kaseer)
Watr se murad yaum e Arfa hai is baabat bahot sare aqwal hain jo tafaseer mein dekhe ja sakte hain.
📚 Is baabat ibn e Abbas Rz. ka ek qaul jise hafiz ibn e hijr Rh. Ne sahih qaraar diya hai. Woh is tarah hai.
عن ابنِ عباسٍ أنه قالَ : الوترُ يومُ عرفةَ والشفعُ يومُ الذبحِ.
(Fat'hul-baari ibn e Hijr : 421/6)
Tarjuma: Ibn e Abbas rz. se riwaayt hai unhone kaha k watr se murad Arfa ka din aur shfa'a se murad qurbani ka din hai.
Barr e sagheer Hind o Paak mein Arfa ka din apne hisaab se 9️⃣ Zul-hijjah ka hoga tabhi Quran ke lafz watr (Taaq) ka sahih itlaaq hoga warna Saudi ke hisaab se arfa ka roza rakhne par Hind o Paak mein umooman 8️⃣ tareekh hogi aur ye jaft hai Taaq nahi hai. Isliye jinka matl'a Saudi se mukhtalif hai unhein lazmi taur par yaum e Arfa ke liye apne ilaqe ki 9vi tareekh ka aitibaar karna hoga.
2️⃣ :- HADEES SE ISTIDLAAL
Mazkoorah bala Hadees jis mein Arfa ke roze ka zikr hai is mein warid alfaz :
” صیام یوم عرفہ “
se hi daleel milti hai k is se murad Zil-hijjah ki 9vi tareekh hai, zara ghaur karein, is Hadees mein aage ke alfaz hain
صیام یوم عاشوراء
Yahan yaum e Ashura se Muharram ki 1️⃣0️⃣vi tareekh murad hai. Jaisake doosri Hadees mein ba-sarahat mazkoor hai.
Abdullah ibn e Abbas Rz. kehte hain :
أمرَ رسولُ اللَّهِ صلَّى اللَّهُ عليهِ وسلَّمَ بِصَومِ عاشوراءُ ، يومُ العاشِرِ
(Sahih Tirmizi : 755)
Tarjuma: Rasoolullah (ﷺ) ne 10vi tareekh ko Ashura ka roza rakhne ka hukm diya.
Jis tarah syam yaum e Ashura se Muharram ki 10vi tareekh murad hai isi tarah syam yaume Arfa se Zul-hijjah ki 9️⃣vi tareekh murad hai. Is baat ko hadees se taqwiyat milti hai jis mein Nabi (ﷺ) ke muta'alliq 9️⃣vi Zul-hijjah ke roze ka ahtamal hai.
Ba'az Azwaj e mutahhrat ka bayan hai:
أنَّ رسولَ اللَّهِ صلَّى اللَّهُ علَيهِ وسلَّمَ كانَ يَصومُ تِسعًا مِن ذي الحجَّةِ ، ويومَ عاشوراءَ ، وثلاثةَ أيَّامٍ من كلِّ شَهْرٍ ، أوَّلَ اثنينِ منَ الشَّهرِ وخَميس.
(Sahih Abi Dawood)
Tarjuma: Rasoolullah (ﷺ) Zul-hijjah ke (pehle) 9️⃣ din, Ashura Muharram, Har Mahine mein 3️⃣ din aur har Mahine ke pehle somwaar (peer) aur jumerat ka roza rakha karte the.
3️⃣:- LUGHVI ISTIDLAAL :
Lughat ki kitabon 📚 mein Yaum e Arfa talash karein to aam taur se har jagah Zul-hijjah ki 9️⃣vi tareekh milegi yani yaum e Arfa se murad ahl e Lughat ke yahan bhi Zul-hijjah ki 9️⃣vi tareekh hai bataur misal dekhein
القاموس الفقهي، معجم لغة الفقهاء
Waghairah.
4️⃣:-ARABI GRAAMMAR SE ISTIDLAAL
Yaum e Arfa mein yaum ka lafz
zamaan par itlaaq hota hai yani ye zamaana hai isliye yaum e Arfa se hargiz-hargiz maidaan e Arafaat murad nahi hoga balke koi zamaana hi murad hoga aur woh hai Zul-hijjah ki 9️⃣vi tareekh.
5️⃣:- WAJA TASMIYA SE ISTIDLAAL
Yaum e Arfa ki waja tasmiya ke mt'alliq kyi iqwaal milte hain, ibn e Qadama syaam yaum e Arfa ki hadees ke tehet yaum e Arfa ki waja tasmiya se mut'alliq likhte hain :
فأما يوم عرفة : فهو اليوم التاسع من ذي الحجة ، سمي بذلك ، لأن الوقوف بعرفة فيه . وقيل : سمي يوم عرفة ، لأن إبراهيم عليه السلام أري في المنام ليلة التروية أنه يؤمر بذبح ابنه ، فأصبح يومه يتروى ، هل هذا من الله أو حلم ؟ فسمي يوم التروية ، فلما كانت الليلة الثانية رآه أيضا فأصبح يوم عرفة ، فعرف أنه من الله ، فسمي يوم عرفة.
(Al-mughnee : 442/4)
Tarjuma:- Yaum e Arfa se murad Zul-hijjah ki 9️⃣vi tareekh hai, iski waja tasmiya ye hai k us din waqoof e Arfa hota hai, aur ye bhi kaha jata hai yaum e Arfa isliye naam pada k ibraahim alaihis-salaam ne tarwiya ki raat khwaab mein dekha k woh apne bete ko zibah karne ka hukm diye ja rahe hain pas poore din ghaur o fikr karte rahe k ye waqai Allah ka hukm hai ya phir koi khwab hai? Isliye is din ka naam tarwiya pada phir doosri raat bhi yahi khwaab aapko dikhaya gaya aur jab Arfa ki subah hui to jan gaye k ye Allah ki taraf se uska hukm hi hai pas is waja se yaum e Arfa pad gaya.
Is qaul mein shuru mein hi asal aur ahem baat batla di gayi k yaum e Arfa se murad Zul-hijjah ki 9️⃣vi tareekh hai. Goya yaum e Arfa , waqoof e Arfa ya khwab ki ma'arfat ki nisbat ye iska naam pada taa-ham murad 9️⃣vi tareekh hi hai, theek isi tarah jaise yaumun-nahar qurbani ki nisbat se mousoom hai aur murad 1️⃣0️⃣vi tareekh hai.
6️⃣:- AQLI AUR MANTIQUI ISTIDLAAL
Islam ek hama-geer Deen e Rahmat hai, iske ahkaam aafaaqi hain, is Deen e Rahmat ke zer e saya har kisi ko apne -apne ilaqe mein reh kar ba-aasaani Deen par amal karne ki sahulat ibtida se hi moujood hai aur Qiyamat tak moujood rahegi kyonke ye fitri nizaam hai, hamara khaliq hamare halaat o kaifiyaat se mukammal baa-khabar hai iske ain-mutabiq hamein deeni ta'alimaat ka mukallaf banaya hai. Islam ne kisi ko Roza aur Namaz ki anjam-dahi mein Makka Mukarrama ki tareekh aur waqt maloom karne ki zehmat nahi di hai. Aaj se 1400½ (saadhe chaudeh so) saal pehle Nabi (ﷺ) ne logon ko yaum e Arfa ka roza rakhne ka hukm diya Nabi (ﷺ) ko musalmano ka door daraz ilaqon mein rehna bhi maloom raha hoga phir bhi us waqt Arfa ke roze ki ta'aleem dena is baat ki khuli daleel hai k jo musalman jis tarah apne ilaqe ke aitibaar se Ramazan , ayyam e baiz aur aashura ka roza rakhte hain usi tarah apne ilaqe ke aitibar se yaum e Arfa ka yani 9️⃣ Zul-hijjah ka bhi roza rakhein. Waqoof e Arafaat pe tamam duniya 🌏 walon ko roza rakhne ka hukm islam deta to sath hi poori duniya 🌏 ke musalmano ko waqoof e Arafaat ki ittila ka nizam bhi diya hota jabke technology ki aamad se qabl koi aisa zariya nahi tha jiski madad se duniya ke kone-kone mein phaile musalmano ko waqoof e Arafaat ki ittila di ja sake. Aaj bhi duniya 🌏 ke sare kone mein ye khabar nahi pahunch pati hogi kyonke bahut sare ilaqon mein rabton ki sahulat nahi aur bahut sare maqaamat par rehne walon ko duniya 🌏 ki koi khabar nahi hoti maslan qaid-khana.
سوال_دنیا بھر کے مسلمان، یومِ عرفہ کا روزہ کس دن رکھیں ؟ اپنے ملک کے قمری کیلنڈر کے حساب سے 9 ذی الحجہ کو یا حج کے دوران حجاج کرام کے وقوفِ عرفات کے دن؟ تفصیل سے جواب دیں!
جواب۔۔!! الحمدللہ..!
*9 ذوالحج یعنی عرفہ کا ایک روزہ دو سال کے گناہوں کی معافی کا سبب*
ابوقتادہ انصاری رضی اللہ عنہ سے روایت ہے کہ ۔۔۔آپ ﷺسے عرفہ کے دن کے روزے کے بارے میں پوچھا گیا ،تو آپ ﷺنے فرمایا: گزرے ہوئے ایک سال اور آنے والے ایک سال (کے گناہوں )کا کفارہ بن جاتا ہے۔
(صحیح مسلم،كتاب الصيام، 1162)
((عرفہ کی فضیلت میں مزید تفصیل دیکھیں _سلسلہ نمبر-71))
*لیکن بد قسمتی سے ہمارے ہاں لوگوں نے اس فضیلت والے روزے کو بھی اختلاف کی بھینٹ چڑھا دیا اور لوگ روزہ رکھنے میں اختلاف کا شکار ہو گئے.
اختلاف کا سبب دراصل رویت ہلال کی رو سے اور مختلف ممالک میں قمری تاریخ کے مختلف ہونے سے تعلق رکھتا ہے۔ اس اختلاف کا کوئی واضح ثبوت کم و بیش نصف صدی پہلے تک نہیں ملتا البتہ اب کچھ سالوں سے یہ اختلاف ابھر کر سامنے آ رہا ہے،حالانکہ یہ بات واضح ہے کہ جس ملک میں جب 9۔ذی الحجہ ہوگی،وہ یومِ عرفہ ہوگا اور وہاں کے لوگوں کو اسی دن یومِ عرفہ کا روزہ رکھنا ہوگا، اس کی دلیل میں صحیح بخاری کی درج ذیل حدیث ہے :
نبی اکرم صلی اللہ علیہ وآلہ وسلم نے فرمایا،صُومُوا لِرُؤْيَتِهِ وَأَفْطِرُوا لِرُؤْيَتِهِ ، فَإِنْ غُبِّيَ عَلَيْكُمْ فَأَكْمِلُوا عِدَّةَ شَعْبَانَ ثَلَاثِينَ –
(صحیح بخاری ، کتاب الصوم-1909)
چاند دیکھ کر روزہ رکھو اور چاند کو دیکھ کر روزوں کا اختتام کرو اور اگر تم پر چاند مخفی ہو جائے تو پھر تم شعبان کے 30 دن پورے کر لو،
اس حدیث سے چاند دیکھنے کی اور قمری تاریخ کی اہمیت دیکھی جا سکتی ہے۔
اگر برصغیر ، جاپان و کوریا کے مسلمان ، بغیر چاند دیکھے ، سعودی عرب کے مطابق رمضان کے روزے شروع کر دیں اور عید بھی منا لیں تو کیا یہ صحیح ہوگا؟
صحیح مسلم میں ایک حدیث یوں ہے کہملک شام میں حضرت امیر معاویہ رضی اللہ تعالیٰ عنہ سمیت باقی لوگوں نے جمعہ کی رات چاند دیکھ کر روزہ رکھا،
اور مدینہ منورہ کے لوگوں نے اس کے اگلے دن ہفتہ کی شام کو چاند دیکھ کر روزہ رکھنا شروع کیا۔
عبداللہ بن عباس رضی اللہ عنہما نے کہا کہ ہم تو تیس روزے پورے رکھیں گے یا پھر چاند دیکھ کر عید کر لیں گے،
حضرت کریب کہنے لگے، کہ کیا معاویہ کا چاند دیکھنا اور روزہ رکھنا کافی نہیں؟
تو عبداللہ بن عباس رضی اللہ عنہما فرمانے لگے
کہ_ نہیں،
نبی اکرم صلی اللہ علیہ وسلم نے ہمیں اسی طرح کرنے کا حکم دیا ہے،
(صحیح مسلم ، کتاب الصیام-1087)
اس حدیث میں فقہائے مدینہ نے اہلِ شام کے ایک دن پہلے روزہ رکھنے کی خبر کو بنیاد بنا کر اہلِ مدینہ کو یہ فتویٰ نہیں دیا کہ تم ایک روزہ قضا کرو کیونکہ شام میں چاند ہو چکا تھا۔ بلکہ یہ کہہ کر ٹال دیا کہ ان کی رویت(چاند) ان کے لیے اور ہماری رویت ہمارے لیے ہے اور (نبی صلی اللہ علیہ وسلم نے ہمیں ایسا ہی حکم دیا ہے،،
پہلا اعتراض
*دوسری طرف کچھ لوگوں کا اختلاف ہے کہ موجودہ تیز تر وسائلِ نقل و حرکت اور ذرائع ابلاغ کے پیشِ نظر ، حجاجِ کرام کے میدانِ عرفات میں ہونے کی خبر لمحہ بہ لمحہ دنیا بھر میں پہنچ رہی ہوتی ہے ، لہذا یومِ عرفہ کا روزہ بھی اسی دن رکھا جائے جب حجاج کرام ، عرفات میں وقوف کرتے ہیں*
جواب:
اس عقلی دلیل پر چند اشکالات وارد ہوتے ہیں :
بعض ممالک ایسے بھی ہیں جب سعودیہ میں دن ہوتا ہے تو وہاں رات ہوتی،
اگر ان ممالک کے لوگ حجاج کرام کے وقوفِ عرفات کے وقت روزہ رکھیں تو گویا وہ لوگ رات کا روزہ رکھیں گے؟؟
اور کچھ ایسے ممالک بھی ہے جہاں سعودیہ سے بھی پہلے چاند نظر آ جاتا، تو کیا وہ لوگ 10 ذوالحجہ یعنی عید کے دن عرفہ کا روزہ رکھیں گے؟؟
دوسری اہم بات یہ کہ :
اگر چاند کا مختلف ہونا معتبر نہیں ہے تو ہر چیز میں نہیں ہونا چاہئے۔
سورج کے اوقات میں بھی اختلاف نہیں ہونا چاہیے،
مثلاً ، افطار و سحری کے اوقات بھی وہی ہونا چاہئے جو مکہ مدینہ کے اوقات ہوں۔
نمازوں کے اوقات بھی وہی ہونا چاہئے جو مکہ مدینہ کی نمازوں کے اوقات ہوں۔
اگر یہ ممکن نہیں تو اس کا مطلب یہ ہوا کہ :چاند کا مختلف ہونا نمازوں اور افطار و سحر کے معاملے میں تو معتبر ہے لیکن رمضان کے روزوں اور یومِ عرفہ کے روزے میں معتبر نہیں ؟؟
تو کیا یہ بات غلط نہیں؟؟
دوسرا اعتراض
*کچھ لوگ کہتے ہیں کہ عرفہ کا روزہ کا وقوف عرفات یعنی جگہ سے متعین ہے،*
جواب: یہاں پر وہ غلطی کرتے ہیں وقف عرفات کا تعین کس سے ہوتا ہے ؟
لازمی سی بات ہے اس کا تعین بھی چاند دیکھ کر کیا جاتا ہے چاند دیکھنے کے بعد 9 دن حجاج کرام عرفات میں جمع ہوتے ہیں تو پھر ایسا کیوں ہے کہ باقی تمام ماہ میں اپنے ملک کے چاند کا اعتبار کیا جاتا ہے مگر صرف اس دن کے لئے سعودی عرب کے چاند کا اعتبار پھر تو آپ کو قربانی بھی اسی دن کرنی چاہیے جس دن حجاج قربانی کرتے ہیں کیونکہ 10 ذی الحجہ کو یوم النحر ہوتا ہے،
پھر یہ کیسے ممکن ہے کہ ایک دن بعد ہم دوبارہ سعودی عرب کے چاند کو چھوڑ کر اپنے چاند کا اعتبار کر لیتے ہیں جبکہ اگر 9 کو وقف عرفات کا دن کا تعلق مقام سے ہے تو پھر یوم النحر یعنی قربانی کے دن 10 ذوالحجہ کا تعلق بھی مقام سے ہی ہے جب وہاں حجاج خاص مقام پر قربانی کرتے ہیں۔ _________&___________
جب سعودیہ کے مفتی شيخ ابن عثيمين رحمہ اللہ تعالي سے مندرجہ ذيل سوال كيا گيا:
چاندكا مطلع مختلف ہونے كي صورت ميں جب يوم عرفہ مختلف ہو جائے تو كيا ہم اپنےعلاقے كي رؤيت كےمطابق روزہ ركھيں يا كہ حرمين كي رؤيت كا اعتبار كيا جائےگا؟
شيخ رحمہ اللہ تعالي كا جواب تھا:
يہ اہل علم كےاختلاف پر مبني ہے كہ: آياساري دنيا ميں چاندايك ہي ہے كہ مطلع مختلف ہونے كي بنا پر چاند بھي مختلف ہے؟
صحيح يہي ہے كہ: مطلع مختلف ہونےكي بنا پر چاند بھي مختلف ہيں، مثلا جب مكہ مكرمہ ميں چاند ديكھا گيا تو اس كےمطابق يہاں نوتاريخ ہو گي، اور كسي دوسرے ملك ميں مكہ سے ايك دن قبل چاند نظر آيا تو ان كےہاں دسواں دن يوم عرفہ ہوگا، لھذا ان كےليے اس دن روزہ ركھنا جائز نہيں كيونكہ يہ عيد كا دن ہے ، اور اسي طرح فرض كريں كہ رؤيت مكہ سے ليٹ ہو اور اور مكہ مكرمہ ميں نوتاريخ ہو تو ان كےہاں چاند كي آٹھ تاريخ ہوگي تو وہ اپنے ہاں نو تاريخ كےمطابق روزہ ركھيں گے جو كہ مكہ كےحساب سے دس تاريخ بنےگي، راجح قول يہي ہے .
اس ليے كہ رسول كريم صلي اللہ عليہ وسلم كا فرمان ہے :
( جب چاند ديكھو تو روزہ ركھو اور جب اسے ديكھو تو عيد كرو )
اوروہ لوگ جن كےہاں چاند نظر نہيں آيا انہوں نےچاند نہيں ديكھا، اور جيسا كہ سب لوگ بالاجماع طلوع فجر اور غروب شمس ميں ہر علاقے كے لوگ اسي علاقے كا اعتبار كرتےہيں، تواسي طرح مہينہ كي توقيت بھي يومي توقيت كےطرح ہي ہوگي،
(ديكھيں: مجموع الفتاوي ( 20)
_______&___________
شیخ حافظ ابو یحییٰ نورپوری صاحب لکھتے ہیں کہ!!
یوم عرفہ سے مراد 9 ذوالحجۃ ہی ہے،
کہ اگر حاجیوں کا عرفات میں ٹھہرنے کا دورانیہ ہی روزے کا وقت قرار دیا جائے تو ان بے چارے مسلمانوں کا کیا بنے گا جو ان ملکوں کے باسی ہیں، جہاں حاجیوں کے وقوف ِ عرفات کے وقت رات ہوتی ہے؟ وہ تو محروم ہو گئے روزہ رکھنے اور دو سالوں کے گناہ معاف کرانے سے!
حالانکہ اسلام کے احکامات ہمہ گیر بھی ہیں اور عالم گیر بھی۔ امریکہ جیسے ممالک جن میں حاجیوں کے وقوف ِ عرفات کے وقت رات ہوتی ہے، یومِ عرفہ کا روزہ تو ان کے لیے بھی مشروع ہے، یومِ عرفہ سے مراد حاجیوں کا وقوف ِ عرفات لینا اس لحاظ سے بالکل غیر منطقی ہے۔
دراصل نو ذو الحجہ کے روزے کو یومِ عرفہ کا روزہ اس ماحول کے مدنظر کہہ دیا گیا، جس میں یہ بات چیت ہوئی تھی،
کیوں کہ مدینہ میں یومِ عرفہ نو ذو الحجہ ہی کو ہوتا ہے۔
اس کو اگر تطبیقی انداز سے سمجھنا چاہیں تو یہ
فرمانِ رسول دیکھ لیں:مَا بَيْنَ الْمَشْرِقِ وَالمَغْرِبِ قِبْلَةٌ.
”مشرق ومغرب کے درمیان تمہارا قبلہ ہے۔
”(سنن الترمذی : 342، وسندہ حسن)
اگر کوئی پاکستانی یا ہندوستانی مسلمان اس حدیث کے ظاہری الفاظ کو مدنظر رکھ کر اپنے قبلے کا تعین کرنے لگے تو یقینا وہ غیرقبلہ کو قبلہ بنا بیٹھے گا، کیوں کہ پاکستانی و ہندوستانی مسلمانوں کا قبلہ مشرق ومغرب نہیں، بل کہ شمال و جنوب کی درمیانی سمت میں ہے۔
اس حدیث میں دراصل یہ بات سمجھائی گئی کہ قبلہ رخ ہونے میں اگر تھوڑی بہت کجی ہو بھی جائے تو وہ مضر نہیں، کیوں کہ قبلے والی پوری سمت ہی قبلہ شمار ہو گی۔
اب یہ سمت اہل مدینہ کے حساب سے مشرق ومغرب کے درمیان بنتی تھی، اس لیے یہ الفاظ استعمال فرمائے گئے، لیکن ان ظاہری الفاظ کو دلیل بنا کر پوری دنیا میں ہر جگہ قبلے کی سمت کا تعین نہیں کیا جا سکتا۔
اسی طرح اگر یومِ عرفہ کے الفاظ کے محل ورود پر غور کیے بغیر محض ظاہری الفاظ کا تتبع کیا جائے تو یہ صراحتا خطا پر مبنی ہو گا۔
________&_________
*یوم عرفہ ذوالحجہ کی نو تاریخ ہے*
سعودی عرب طائف کے مشہور بلاگر اور شیخ مقبول احمد سلفی لکھتے ہیں:
یوم عرفہ سے مراد ذو الحجہ کی نویں تاریخ ہے، اس بات کو مختلف طریقے سے استدلال کرکے بتلاؤں گا ۔
(1)قرآن سے استدلال :
اللہ تعالی کا فرمان ہے : وَالْفَجْرِ. وَلَيَالٍ عَشْرٍ. وَالشَّفْعِ وَالْوَتْرِ(الفجر:1-3)
ترجمہ: قسم ہے فجر کی، اور دس راتوں کی ، اور جفت اور طاق کی۔
یہاں محل شاہد وتر کا لفظ ہے تفسیر ابن کثیر میں ہے وتر سے مراد عرفے کا دن ہے اوریہ نویں تاریخ ہوتی ہے تو شفع سے مراد دسویں تاریخ یعنی بقرعید کا دن ہے ،وہ طاق ہے یہ جفت ہے۔ (تفسیر ابن کثیر)
وتر سے مراد یوم عرفہ ہے اس بابت بہت سارے اقوال ہیں جو تفاسیر میں دیکھے جاسکتے ہیں ،
اس بابت ابن عباس رضی اللہ عنہما کا ایک قول جسے حافظ ابن حجر رحمہ اللہ نے صحیح قرار دیا ہے ۔ وہ اس طرح ہے ۔ عن ابنِ عباسٍ أنه قالَ : الوترُ يومُ عرفةَ والشفعُ يومُ الذبحِ
(فتح الباري لابن حجر:421/6 )
ترجمہ: ابن عباس رضی اللہ عنہما سے روایت ہے انہوں نے کہا کہ وتر سے مراد عرفہ کا دن اور شفع سے مراد قربانی کا دن ہے ۔
برصغیرہندوپاک میں عرفہ کا دن اپنے حساب سے نو ذوالحجہ کا ہوگا تبھی قرآن کے لفظ وتر(طاق) کا صحیح اطلاق ہوگا ورنہ سعودی کے حساب سے عرفہ کا روزہ رکھنے پر ہندوپاک میں عموما آٹھ تاریخ ہوگی اور یہ جفت ہے طاق نہیں ہے اس لئے جن کا مطلع سعودی سے مختلف ہے انہیں لازمی طور پر یوم عرفہ کے لئے اپنے علاقے کی نویں تاریخ کا اعتبار کرنا ہوگا۔
(2)حدیث سے استدلال :
مذکورہ بالاحدیث جس میں عرفہ کے روزے کا ذکر ہے اس میں وارد الفاظ ” صیام یوم عرفہ “سے ہی دلیل ملتی ہے کہ اس سے مراد ذوالحجہ کی نویں تاریخ ہے ۔ ذرا غور کریں ، اس حدیث میں آگے کے الفاظ ہیں صیام یوم عاشوراء ، یہاں یوم عاشوراء سے محرم کی دسویں تاریخ مراد ہے جیساکہ دوسری حدیث میں بصراحت مذکور ہے ۔
عبداللہ بن عباس ؓ کہتے ہیں:
أمرَ رسولُ اللَّهِ صلَّى اللَّهُ عليهِ وسلَّمَ بِصَومِ عاشوراءُ ، يومُ العاشِرِ
(صحيح الترمذي:755)
ترجمہ: رسول اللہﷺ نے دسویں تاریخ کو عاشوراء کا روزہ رکھنے کا حکم دیا۔
جس طرح صیام یوم عاشوراء سے محرم کی دسویں تاریخ مراد ہے اسی طرح صیام یوم عرفہ سے ذوالحجہ کی نویں تاریخ مراد ہے ۔ اس بات کو اس حدیث سے تقویت ملتی ہے جس میں نبی ﷺ کے متعلق نویں ذوالحجہ کے روزہ کا احتمال ہے۔ بعض ازواج مطہرات کا بیان ہے :
أنَّ رسولَ اللَّهِ صلَّى اللَّهُ علَيهِ وسلَّمَ كانَ يَصومُ تِسعًا مِن ذي الحجَّةِ ، ويومَ عاشوراءَ ، وثلاثةَ أيَّامٍ من كلِّ شَهْرٍ ، أوَّلَ اثنينِ منَ الشَّهرِ وخَميس(صحيح أبي داود:2437)
ترجمہ: رسول اللہ صلی اللہ علیہ وسلم ذوالحجہ کے ( پہلے ) نو دن ، عاشورہ محرم ، ہر مہینے میں تین دن اور ہر مہینے کے پہلے سوموار اور جمعرات کو روزہ رکھا کرتے تھے ۔
(3)لغوی استدلال :
لغت کی کتابوں میں یوم عرفہ تلاش کریں تو عام طور سے ہرجگہ ذوالحجہ کی نویں تاریخ ملے گی یعنی یوم عرفہ سے مراد اہل لغت کے یہاں بھی ذوالحجہ کی نویں تاریخ ہے بطور مثال دیکھیں : القاموس الفقهي، معجم لغة الفقهاء وغیرہ
(4)عربی گرامر سے استدلال :
یوم عرفہ میں یوم کا لفظ زمان پراطلاق ہوتا ہے یعنی یہ زمانہ ہے اس لئے یوم عرفہ سے ہرگزہرگز میدان عرفات مراد نہیں ہوگا بلکہ کوئی زمانہ ہی مراد ہوگا اور وہ ہے ذوالحجہ کی نویں تاریخ ۔
(5)وجہ تسمیہ سے استدلال:
یوم عرفہ کی وجہ تسمیہ کے متعلق کئی اقوال ملتے ہیں ،ابن قدامہ صیام یوم عرفہ کی حدیث کے تحت یوم عرفہ کی وجہ تسمیہ سے متعلق لکھتے ہیں :
فأما يوم عرفة : فهو اليوم التاسع من ذي الحجة ، سمي بذلك ، لأن الوقوف بعرفة فيه . وقيل : سمي يوم عرفة ، لأن إبراهيم عليه السلام أري في المنام ليلة التروية أنه يؤمر بذبح ابنه ، فأصبح يومه يتروى ، هل هذا من الله أو حلم ؟ فسمي يوم التروية ، فلما كانت الليلة الثانية رآه أيضا فأصبح يوم عرفة ، فعرف أنه من الله ، فسمي يوم عرفة(المغني : 4/ 442 )
ترجمہ: یوم عرفہ سے مراد ذوالحجہ کی نویں تاریخ ہے ، اس کی وجہ تسمیہ یہ ہے کہ اس دن وقوف عرفہ ہوتا ہے، اور یہ بھی کہا جاتا ہے یوم عرفہ اس لئے نام پڑاکہ ابراہیم علیہ السلام نے ترویہ کی رات خواب میں دیکھا کہ وہ اپنے بیٹے کو ذبح کرنے کا حکم دئے جارہے ہیں پس پورے دن غوروفکر کرتے رہے کہ یہ واقعی اللہ کا حکم ہے یا پھر کوئی خواب ہے ؟ اس لئے اس دن کا نام ترویہ پڑا پھر دوسری رات بھی یہی خواب آپ کو دکھایا گیا اور جب عرفہ کی صبح ہوئی تو جان گئے کہ یہ اللہ کی طرف سے اس کا حکم ہی ہے پس اس وجہ سے یوم عرفہ پڑ گیا۔
اس قول میں شروع میں ہی اصل اور اہم بات بتلادی گئی کہ یوم عرفہ سے مراد ذوالحجہ کی نویں تاریخ ہے ۔ گویا یوم عرفہ ،وقوف عرفہ یا خواب کی معرفت کی نسبت پہ اس کانام پڑا تاہم مراد نویں تاریخ ہی ہے ،ٹھیک اسی طرح جیسے یوم النحر قربانی کی نسبت سے موسوم ہے اور مراد دسویں تاریخ ہے۔
(6)عقلی اور منطقی استدلال:
اسلام ایک ہمہ گیر دین رحمت ہے ، اس کے احکام آفاقی ہیں ،اس دین رحمت کے زیر سایہ ہرکسی کو اپنے اپنے علاقہ میں رہ کر بہ آسانی دین پر عمل کرنے کی سہولت ابتداء سے ہی موجود ہے اور قیامت تک موجود رہے گی کیونکہ یہ فطری نظام ہے ، ہماراخالق ہمارے حالات وکیفیات سے مکمل باخبر ہے اس کے عین مطابق ہمیں دینی تعلیمات کا مکلف بنایا ہے۔اسلام نے کسی کو روزہ اور نماز کی انجام دہی میں مکہ مکرمہ کی تاریخ اور وقت معلوم کرنے کی زحمت نہیں دی ہے ۔آج سے ساڑھے چودہ سو سال پہلے نبی ﷺ نےلوگوں کو یوم عرفہ کا روزہ رکھنے کا حکم دیا ، نبی ﷺ کو مسلمانوں کا دور دراز علاقوں میں رہنا بھی معلوم رہا ہوگا پھر بھی اس وقت عرفہ کے دن کا روزہ رکھنے کی تعلیم دینا اس بات کی کھلی دلیل ہے کہ جو مسلمان جس طرح اپنے علاقے کے اعتبار سے رمضان ، ایام بیض اور عاشوراء کا روزہ رکھتے ہیں اسی طرح اپنے علاقہ کے اعتبار سے یوم عرفہ کا یعنی نو ذوالحجہ کا بھی روزہ رکھیں ۔ وقوف عرفات پہ تمام دنیا والوں کو روزہ رکھنےکا حکم اسلام دیتا تو ساتھ ہی پوری دنیا کے مسلمانوں کو وقوف عرفات کی اطلاع کا نظام بھی دیا ہوتاجبکہ ٹکنالوجی کی آمد سے قبل کوئی ایسا ذریعہ نہیں تھا جس کی مدد سے دنیا کے کونے کونے میں پھیلے مسلمانوں کو وقوف عرفات کی اطلاع دی جاسکے۔ آج بھی دنیا کے سارے کونے میں یہ خبر نہیں پہنچ پاتی ہوگی کیونکہ بہت سارے علاقوں میں رابطوں کی سہولت نہیں اور بہت سارے مقامات پر رہنے والوں کو دنیا کی کوئی خبر نہیں ہوتی مثلا قید خانہ۔
(7)مناسک حج سے استدلال:
حج کے اعمال بھی تواریخ کے ساتھ مخصوص ہیں ۔ یوم الترویہ یعنی آٹھ ذوالحجہ کو منی میں قیام ، یوم عرفہ یعنی نو ذوالحجہ کو وقوف عرفات ، یوم النحریعنی دس ذوالحجہ کو رمی، حلق/تقصیر، قربانی، طواف افاٖضہ، سعی جیسے اعمال ، ایام تشریق میں رمی جمرات اور منی میں قیام ۔ یہ سارے حج کے اعمال تاریخ کے ساتھ مخصوص ہیں ۔ کوئی یوم الترویہ (آٹھ ذوالحجہ) کو عرفات میں وقوف کرے تو اس کا وقوف ہوگا ہی نہیں، کوئی یوم عرفہ(نو ذوالحجہ) کو حج کی قربانی کردے یا طواف افاضہ کرلے، حج کی سعی کرلے تو یہ اعمال مقبول نہیں ہوں گے یعنی حج ہی نہیں ہوگا۔ گویا مناسک حج بھی تاریخ سے مربوط ہونے کے سبب لامحالہ ماننا پڑے گا کہ یوم عرفہ ذوالحجہ کی نو تاریخ کو ہی کہا جاتا ہے۔
*یوم عرفہ اور عرفات میں فرق*
لفظ عرفہ کا بسااوقات استعمال وادی کے لئے ہوتا ہے جیساکہ رسول اللہ ﷺ کا فرمان ہے :
عرفةُ كلُّها مَوقفٌ ووقفتُ ههنا
(صحيح مسلم:1218)
ترجمہ: میں نے یہاں وقوف کیا ہے اور سارا عرفہ جائے وقوف ہے ۔
لیکن عرفات کا اطلاق صرف وادی پر ہوتا ہے ، قرآن میں عرفات کا لفظ آیا ہے۔ اللہ کا فرمان ہے:
فَإِذَا أَفَضْتُم مِّنْ عَرَفَاتٍ فَاذْكُرُوا اللَّهَ عِندَ الْمَشْعَرِ الْحَرَامِ (البقرۃ: 198)
ترجمہ: جب تم عرفات سے لوٹو تو مسجد حرام کے پاس اللہ کا ذکر کرو۔
نبی ﷺ کا فرمان ہے: الحجُّ عَرفاتٌ، الحجُّ عَرفاتٌ، الحجُّ عَرفاتٌ
(صحيح الترمذي:2975)
ترجمہ:حج عرفات کی حاضری ہے، حج عرفات کی حاضری ہے۔ حج عرفات کی حاضری ہے۔
حضرت عبداللہ بن عباس کہتے ہیں : رأيتُ النَّبيَّ صلَّى اللَّهُ عليهِ وسلَّمَ ، بعَرفاتٍ واقِفًا (مسند أحمد) اس کی سند کو مسند کے محقق احمد شاکر نے صحیح کہا ہے(4/173)
ترجمہ: میں نے دیکھا کہ نبی کریم صلی اللہ علیہ وسلم عرفات کے میدان میں کھڑے ہیں۔
غرض جہاں کہیں بھی عرفات کا لفظ آیا ہے ان جگہوں پر کہیں بھی یوم عرفات نہیں آیا ہے کیونکہ عرفات وادی کا نام ہے جبکہ عرفہ کبھی وادی پر بولاجاتا ہے تو کبھی دن پر اور جب عرفہ پر یوم کا لفظ داخل ہوجائے تو صرف اور صرف تاریخ پر اطلاق ہوگا یعنی نویں ذوالحجہ۔ یوم عرفہ کہنے سے وقوف عرفہ یا میدان عرفات کبھی بھی مراد نہیں ہوسکتا ہے کیونکہ یوم کا لفظ دن کے لئے استعمال ہوتا ہےجبکہ وقوف عرفہ عمل اور میدان عرفات وادی ہے۔ اوراگر عرفات پر یوم کا لفظ بھی لگادیا جائے تو پھر بھی وہی دن مراد ہوگا جو یوم عرفہ سے مراد ہے یعنی نو ذوالحجہ۔ جیسے منی کے ساتھ ایام منی کا لفظ ذکر ہوتا ہے تو اس سے مراد ایام تشریق کے تین دن ہیں۔
*خلاصہ کلام*
عرفہ کے دن کے روزے سے متعلق جو اشکالات اور اعتراضات ہیں ان سب کا جواب الگ مضمون میں “عرفہ کا روزہ: ایک تحقیقی جائزہ” کے عنوان سے دیا گیا ہے جو اسی نام سے میرے ذاتی بلاگ،محدث فورم اور اردومجلس فورم وغیرہ پر تلاش کرسکتے ہیں۔ یہاں اس مضمون میں صرف یہ بتلانے کی کوشش کی گئی ہے کہ یوم عرفہ سے مراد ذوالحجہ کی نو تاریخ ہے یعنی رسول اللہ ﷺ نے اپنی امت کو ذوالحجہ کی نو تاریخ کا روزہ رکھنے کا حکم دیا ہے لہذا جس ملک میں جب ذوالحجہ کی نو تاریخ ہو اس دن یوم عرفہ کا روزہ رکھیں ۔
________&_________
*عرفہ کے روزہ سے متعلق اشکالات کا جواب*
*پہلا اشکال*
جن لوگوں کا کہنا ہے کہ حدیث میں تاریخ کا ذکر نہیں ہے بلکہ عرفہ کا لفظ آیا ہے اور عرفہ کا تعلق عرفات میں وقوف کرنے سے ہے اس لئے حاجی کے وقوف عرفہ کے دن ہی سارے مسلمان عرفہ کا روزہ رکھیں ۔
یہ استدلال کئی وجوہ سے صحیح نہیں ہے ۔
پہلی وجہ :
قاعدے کی رو سے روزہ میں رویت ہلال اور اختلاف مطالع کا اعتبار ہوگا جس کا ذکر اوپرہوچکا ہے ، عرفہ کے روزہ کو اس قاعدے سے نکالنے کے لئے واضح نص چاہئے جوکہ موجود نہیں ۔
دوسری وجہ :
مناسک حج میں حج کی نسبت سے بہت سارے نام رکھے گئے ہیں ان سب پر عمومی قاعدہ ہی لگے گا الا یہ کہ خاص وجہ ہو۔ مثلا ایام تشریق حج کی قربانی کی وجہ سے نام رکھا گیا ہے اور اسے حاجیوں کے لئے کھانے پینے اور قربانی کرنے کا دن بتلایا گیا ہے اور ہم سب کو معلوم ہے حاجیوں کے ایام تشریق اور دنیا کے دوسرے ملک والوں کے ایام تشریق الگ الگ ہیں۔ جب سعودی میں قربانی کا چوتھا دن ختم ہوجاتا ہے تو دیگر بہت سارے ممالک میں ایک دن ابھی باقی ہوتا ہے ۔ اسی ایام تشریق سے ہم استدلال کرتے ہوئے کہتے ہیں کہ قربانی چار دن ہے اور اپنے اپنے ملکوں کے حساب سے ۔
قربانی کی نسبت بھی ابراہیم علیہ السلام سے ہے اور آپ ﷺ نے اس نسبت سے یوم النحر /عیدالاضحی کو قربانی کرنے کا حکم دیاہے ۔ یہ قربانی ہرملک والا اپنے یہاں کے قمری مہینے کے حساب سے دس ذی الحجہ کو کرے گا۔ گویا عرفہ ایک نسبت ہے جہاں تک اس دن روزہ رکھنے کا معاملہ ہے تو روزے میں عمومی قاعدہ ہی لاگو ہوگا۔
تیسری وجہ:
اگر عرفہ کے روزہ سے متعلق بعض حدیث میں تاریخ نہیں آئی تو کوئی حرج نہیں ، دوسری حدیث میں نبی ﷺ سے تاریخ کے ساتھ 9/ذی الحجہ تک روزہ رکھنا ثابت ہے ۔ بعض ازواج مطہرات کا بیان ہے :
أنَّ رسولَ اللَّهِ صلَّى اللَّهُ علَيهِ وسلَّمَ كانَ يَصومُ تِسعًا مِن ذي الحجَّةِ ، ويومَ عاشوراءَ ، وثلاثةَ أيَّامٍ من كلِّ شَهْرٍ ، أوَّلَ اثنينِ منَ الشَّهرِ وخَميس(صحيح أبي داود:2437)
ترجمہ: رسول اللہ صلی اللہ علیہ وسلم ذوالحجہ کے ( پہلے ) نو دن ، عاشورہ محرم ، ہر مہینے میں تین دن اور ہر مہینے کے پہلے سوموار اور جمعرات کو روزہ رکھا کرتے تھے ۔
اس حدیث میں عرفہ کا روزہ بھی داخل ہے جوکہ تاریخ کے ساتھ ثابت ہے،اس سے عرفہ کے روزہ کی اس ناحیہ سے تائید ہوتی ہے کہ اسے نوذی الحجہ کو رکھاجائے گا ۔
چوتھی وجہ :
اگر عرفات میں وقوف سے متعلق روزہ ہوتا تو عرفہ نہیں عرفات کا ذکر ہوتا۔
پانچویں وجہ :
اگر یہ وقوف عرفہ کی وجہ سے ہوتا تو حاجیوں کے لئے بھی یہ روزہ مشروع ہوتا مگر یہ حاجیوں کے لئے مشروع نہیں ہے ۔
چھٹی وجہ :
وقوف عرفہ کا ایک وقت متعین ہے جو کہ تقریبا زوال کے بعد سے مغرب کے وقت تک ہے ۔یہ وقت روزہ کے واسطےسعودی والوں کے لئے بھی کافی نہیں ہے کیونکہ روزے میں صبح صادق کے وقت سحری اور نیت کرنا پھر غروب شمس پہ افطار کرنا ہے۔گویا روزے میں وقوف کا اعتبار ہوا ہی نہیں اس میں تو نظام شمسی وقمری کا اعتبار ہوا۔ اس بناپر بھی نسبت کا ہی اندازہ لگاسکتے ہیں وقوف کا نہیں۔
ساتویں وجہ :
سعودی والوں کے لئے بھی عرفہ نو ذی الحجہ ہی ہے ، وہ روزہ رکھتے ہوئے عرفہ کے وقوف کو مدنظر نہیں رکھتے بلکہ قمری تاریخ کے حساب سے نوذی الحجہ کو رکھتے ہیں ۔ اس کی دلیل حجاج کرام سے ہی ملتی ہے ، وہ لوگ قمری تاریخ کے حساب سے آٹھ ذی الحجہ (یوم الترویہ )سے حج شروع کرتے ہیں ، ایسا کبھی نہیں ہوسکتا ہے کہ ذی الحجہ کی سات تاریخ ہو اور حاجی منی جائے یا آٹھ تاریخ ہو اور حاجی عرفات چلاجائے ۔ مناسک حج میں بھی یوم الترویہ اور یوم عرفہ تاریخ کے طور پر ہی ہے کیونکہ اسلامی عبادات میں رویت ہلال کا بڑا دخل ہے ۔ اسی چیز کی طرف قرآن میں رہنمائی کی گئی ہے ۔
اللہ کا فرمان ہے : يَسْئَلُوْنَكَ عَنِ الأَهِلَّةِ قُلْ هِىَ مَوَاقِيْتُ لِلنَّاسِ وَالْحَجِّ. (سورة البقرة: 189)
ترجمہ: لوگ آپ سے ہلال کے بارے میں پوچھتے ہیں ،کہو یہ لوگوں کے لئے اوقات اور حج کی تعیین کا ذریعہ ہے۔
*دوسرا اشکال*
قائلین وقوف عرفہ کا ایک اشکال یہ ہے کہ احادیث میں یوم عرفہ کی بڑی فضیلت واردہے اور عرفہ وقوف عرفات پہ ہے اس لئے عرفہ کے وقوف پہ ہی یہ روزہ رکھا جائے ۔
یہ بات صحیح ہے کہ عرفہ کی بڑی فضیلت آئی ہے ، اس میں کوئی شک نہیں ہے مگر عرفہ کے روزہ سے متعلق یہ کہنا کہ اس کی فضیلت کی وجہ سے وقوف عرفہ پر ہی روزہ رکھنا ہے غلط استدلال ہے ۔ اللہ تعالی نے یوم عرفہ کو حجاج کے علاوہ پوری دنیا کے مسلمانوں کے لئے باعث فضیلت بنایا ہے ۔ حاجیوں کو وقوف عرفہ کا ثواب ملتا ہے جبکہ دنیاوالوں کو یوم عرفہ کا روزہ رکھنے کی وجہ سے ثواب ملتا ہے ۔اور اس بات پہ حیران ہونے کی ضرورت نہیں کہ یوم عرفہ تو ایک دن پھر اپنے اپنے ملکوں کے حساب سے کیسے فضیلت ہوگی تب تو کئی ایام ہوجائیں گے ۔ اس کو مثال سے یوں سمجھیں کہ اللہ تعالی نے لیلۃ القدر ایک بنائی ہے مگرسارے مسلمانوں کے لئے اپنے اپنے حساب سے فضیلت ملتی ہے ۔ سعودی میں ایک دن پہلے شب قدر ، ہندوپاک میں ایک دن بعد شب قدر ، رات ایک ہی ہے اور ثواب کی امید ہرملک والے اپنے اپنے ملک کے حساب سے شب قدر میں بیدار ہوکر رکھتے ہیں،
*تیسرا اشکال*
بعض لوگ ترمذی کی ایک روایت سے دلیل پکڑتے ہیں ۔
الصَّومُ يومَ تَصومونَ ، والفِطرُ يومَ تُفطِرونَ ، والأضحَى يومَ تُضحُّونَ(صحيح الترمذي:697)
ترجمہ: روزہ اس دن رکھا جائے جس دن لوگ روزہ رکھتے ہیں ، عید الفطر اور عید الاضحیٰ بھی اسی دن منائی جائے جب لوگ مناتے ہیں۔
اس حدیث کی روشنی میں کہتے ہیں کہ جس دن عرفہ کا روزہ سعودی عرب میں رکھا جاتا ہے اس دن سب لوگ رکھیں ۔ اس میں اتحاد ہے۔
اگر اس حدیث سے ایسا ہی مسئلہ استنباط کیاجائے جبکہ اس میں لفظ عرفہ ذکر ہی نہیں اس کا مطلب یہ بھی ہوگا کہ پوری دنیا کے مسلمان ایک ساتھ رمضان کا روزہ رکھیں بلکہ ایک ساتھ سحری کھائیں، ایک ہی ساتھ افطار کریں ، ایک ہی ساتھ اور ایک ہی وقت میں عیدالفطر اور عیدالاضحی کی نمازیں پڑھیں ۔ ظاہر ہی بات ہے وقوف عرفہ پہ روزہ رکھنے کے قائلین اس بات کو نہیں مانیں گے تو پھر عرفہ کے روزہ پرہی پوری دنیا کا اتحاد کیوں ؟
اس حدیث کاصحیح مفہوم یہ ہے کہ روزہ اور عید ، جماعت اور لوگوں کی اکثریت کے ساتھ معتبرہے جیساکہ شیخ الاسلام ابن تیمیہ رحمہ اللہ نے لکھا ہے ۔
*چوتھا اشکال*
ایک اور بات کہی جاتی ہے کہ پہلے لوگ نہیں جان پاتے تھے کہ وقوف عرفہ کب ہے اس لئے اپنے ملک کے حساب سے نوذی الحجہ کا روزہ رکھا کرتے تھے اس لئے معذور تھے اب زمانہ ترقی کرگیا اور وقوف عرفہ سب کو معلوم ہوجاتا ہے اس لئے وہ عذر ساقط ہوگیا۔
اولا: آج بھی پوری دنیا میں ہرکس وناکس کومیڈیا کی ساری خبروں کا علم نہیں ہوپاتا ، میڈیا سے جڑے لوگوں کو ہی پتہ چل پاتا ہے ۔
ثانیا : اسلام نے جو آقافی دین دیا ہے وہ انٹرنیٹ اور میڈیا کا محتاج نہیں ہے ۔ بطور مثال یہ کہوں کہ انٹرنیٹ اور میڈیا ختم ہوجائے تو تب آپ کیا کہیں گے کہ ابھی پھر سے لوگ معذور ہوگئے ۔ یہ تو مشینری چیز ہے چل بھی سکتی ہے اور کبھی اس کا نظام درہم برہم بھی ہوسکتا ہے ۔اس کا مشاہدہ کبھی کبھار بنکوں اور آفسوں میں ہوتاہے ۔ جب نٹ کنکشن غائب رہتا ہے تو لوگوں کی کیا درگت ہوتی ہے۔ لیکن اسلام کا نظام ہمیشہ بغیرمیڈیا اور انٹرنیٹ کے چلتا رہاہے اور قیامت تک چلتا رہے گا۔ دنیا والوں کو بغیر انٹرنیٹ کے قمری نظام سے رمضان کا روزہ ، ایام بیض ، عاشواء اور عرفہ معلوم ہوتا رہے گا۔
*قائلین صیام عرفات کے ساتھ چند محاکمہ*
(1)جب ایسے لوگوں سے کہا جائے کہ بعض ممالک لیبیا ، تیونس اور مراکش وغیرہ میں سعودی سے پہلے عید ہوجاتی ہے ، اس صورت میں وقوف عرفہ ان کے یہاں عید کا دن ہوتا ہے وہ کیسے روزہ رکھیں ؟ عید کے دن روزہ منع ہے ۔ ابوسعید رضی اللہ عنہ سے روایت ہے انہوں نے بیان کیا:
نهى النبيُّ صلى الله عليه وسلم عن صومِ يومِ الفطرِ والنحرِ( صحيح البخاري:1991)
ترجمہ: نبی صلی اللہ علیہ وسلم نے عید الفطر اورعیدالاضحی کے دن روزہ رکھنے سے منع فرمایا ۔
تو جواب دیتے ہیں ایسے لوگوں سے روزہ ساقط ہوجاتاہے ۔ روزہ کے متعلق اصول واحکام واضح ہیں انہیں بالائے طاق رکھ کر بغیر ثبوت کے روزہ ساقط کرواکر لوگوں کو بڑے اجر سے محروم کردینا بڑی ناانصافی ہے ۔
(2)جب ان سے کہاجائے کہ آج سے سوسال پہلے لوگ عرفہ کا روزہ رکھتے تھے کہ نہیں ؟ اگر رکھتے تھے تو یقینا وہ اپنے ملک کے حساب سے رکھتے ہوں گے( اس کا انکار کرنے کی کسی کو ہمت نہیں)تو جواب دیتے ہیں کہ اس وقت پتہ نہیں چل پاتا تھا اس لئے وہ معذور تھے ۔
یہ جواب کچھ ہضم نہیں ہوپاتا۔اس جواب کو مان لینے سے یہ ماننا پڑے گا کہ قرون اولی سے لیکر آج تک کسی نے عرفہ کا روزہ صحیح نہیں رکھاسوائے عرب والوں کے جبکہ اسلام ایک آفاقی مذہب ہے وہ سب کے لئے یکساں دستور پیش کرتا ہے خواہ سعودی عرب كا ہو یا دوسرے ملک کااور اسلام پر عمل کرنے کےلئے کسی میڈیا کی بھی ضرورت نہیں۔
*ایک اہم نکتہ*
نیوزی لینڈ اور سعودی میں گیارہ گھنٹے کا فرق ہے، جب سعودی میں نوذی الحجہ کا سورج نکلتا ہے تو نیوزی لینڈ میں آٹھ ذی الحجہ کا سورج غروب ہوتاہے۔تو کیا نیوزی لینڈ والے رات کو روزہ رکھیں گے؟ اور اگر رات گزار کر روزہ رکھیں تو ان کے یہاں تو ذی الحجہ کی نو تاریخ ہوگی مگر سعودی میں دس تاریخ یعنی عید کا دن ہوگا، تو کیا نیوزی لینڈ والے عید کے دن روزہ رکھیں گے جو کہ ممنوع ہے۔ عرفہ کا روزہ سمجھنے کے لئے یہ ایک اہم نکتہ ہے ۔
خلاصہ میں یہ کہنا چاہوں گا کہ عرفہ کا روزہ اپنے اپنے ملک کے حساب سے ذی الحجہ کی نو تاریخ کو رکھا جائے گا،
____________&_____________
*اس تمام تفصیل کے بعد سمجھ آئی کہ عرفہ کا روزہ 9 ذوالحجہ کو ہی رکھا جائے گا*
اللہ پاک کمی کوتاہی معاف فرمائیں اور حق بات کو سمجھنے اور عمل کرنے کی توفیق عطا فرمائیں آمین..!!
(ماخوذ از : عرفہ کے روزہ کا تحقیقی جائزہ از مقبول احمد سلفی حفظہ اللہ )
No comments:
Post a Comment