SAJDAH ME DUAA KA TAREEQA

SAJDAH ME DUAA KA TAREEQA

* Nafil Namaaz aur sunnat mokkidah namaz ke Sajdah me aap Duaa  kar sakte hain durust aur sahih hai hazrat Abu Hurairah Rz.  se marwi hai ki Aap Sallallaahu Alaihi Wasallam  ne farmaaya bandah  –apne Rab se is waqt zyaadah  qareeb hota hai jab woh sajdah  me ho pas (haalat sajdah ) me khoob dua kiya karo (sahih muslim : j 1 s 191 )
Note : sajdah me Duaa se muraad ” Nafil v sunnat ” namazon ke sajdah me duaa karna hai. Aur dua karte waqt sajdah sunnat ke mutabiq ho yani sari ungliyan hatheli zameen se chipki hui aur mili hui honi chahiye....isi tarah se ” Tahajjud  ya aur Nafil namaazo me  khoob duaa kiya karen behtar yeh hai ke Qur,aani Aayaton Ahadees me waarid shudah duaayen kiya kare yani manqool o masnoon duaayen kiya kere sirf Arabi zabaan men kare. Arabi zabaan ke alaawah kisi aur zabaan men ijaazat nahi hai.
   * Alag se sajdah  me duaon ki bhi ijaazat hai.. kabhi-kabhi kare aur mustaqil alag se sirf sajdah me dua karne ko ( aadat ) na banaye aur is soorat men Arabi zabaan ki bhi qaid nahi hai.
   *Namaaz me sajdah me Arabi me duaa kar sakte hain bashart ki woh Kalaam-unnaas ke mushaba na ho, Albatta faraaiz me afzl ye hai ke sajdah me sirf sajdah ki Tasbeeh parhi jaye,,,isi tarah Rukoo, jalsa aur qoma men bhi,,,,,,,Aur namaz me arabi ke alaawah kisi aur zabaan maslan urdu, faarsi ya English waghairah men duaa karna jaaiz nahi, makrooh tehreemi hai,,,,isi tarah arabi me aisi duaa karna bhi durust nahi jo kalaam-unnaas ke mushaba ho jaise:Agar maasoorah duaa ke alaawah duaa men aise kalimaat istemaal kiye, jin ka talluq ghair Allah se bhi ho, to is se bhi namaaz faasid hojayegi, maslan yeh kaha ke : ”A Allah ! mujhe falan kapra pehna de ya mera falan kaam karaa de “ waghairah ,,,,,,,Balki agar kisi aisi cheez ki duaa ki gayi jis ka sawal bandon se mahaal nahi aur woh alfaaz Quraan ya hadees men kahin nahi aaye to Namaaz faasid hojayegi.
 *Sajdah me Koun si duaayen padhna chahiye?
    *Nafil namaz ke sajdah me maashurah  duaayen yani jo duayen Quraan me taleem hui hain maang satke hain isi terhan woh duaayen jo ahadees mein taleem ki gayi hain jaisay .

RABBANAA AATINAA FIDDUNIYAA HASANATAWWAFIL AAKHIRATI HASANATAWWA QINAA AZAABANNAAR (ربنا آتنا فی الدنیا حسنة وفی الآخرة حسنة وقنا عذاب النار)

 waghairah maang satke hain. sehat doulat waghairah ki duaa bhi arabi me maang satke hain jaise :-

ALLAAHUMMA INNEE AS,ALUKAL AAFIYATA WAL MUAAFAATA FIDDUNIYAA WAL AAKHIRAH. 

 Tarjuma:-A Allaah ! Mai Aapse Duniya v Aakhirat ki Aafiyat talab karta hoon.

 ALLAAHUMMA JANNIBNAL FAWAAHISHA MAA ZAHARA MINHAA WAMAA BATANA.

Tarjuma:-A Allaah! Hame tamaam qism ke posheedah aur zaahir behayaai ke kaamon se bachaa.

YeDuaa bhi Sajdah me kare.
*lekin jo cheeze insano se maangi ja sakti hain un ki dua Allah taala se namaz me nahi kar sakte na hi urdu me koi bhi duaa khawaah Qurani ya hadees me kyon na ho namaaz me nahi kar sakte.

* dua mangne ka afzal tareeqa yeh hai ke namaaz ke baad dono haath seenah ke bil-muqaabil utha kr khusu wa khudu ke saath duaa mangi jaaye.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
*NOTE ...Dua ke liye sajda karne ko aadat na banaya jaye aur is ko sunnat ya mustahab na samjha jaye