GUNAAHO SE TAUBA O ASTAGHFAAR

GUNAAHO SE TAUBA O ASTAGHFAAR.

1- Hazrat Abu Hurairah Rz. Se riwaayat hai ki Rasool Allaah S.A.W. ne farmaaya momin jab Gunaah karta hai uske Dil par ek kaala dhabba ho jaata hai phir agar Tauba v Astaghfaar kar liya to uska Dil saaf ho jaata hai aur agar Gunaah me zyaadati ki to woh kaala dhabba aur zyaadah ho jaata hai. (Masnad Ahmad,Tirmizi)

2-Hazrat Ma,aaz Rz. Se riwaayat hai ki Rasool Allaah S.A.W. ne farmaaya:Apne ko Gunaaho se bachaana kyonki Gunaah karne se Allaah Ta,aala ka ghazab naazil ho jaata hai. (Masnad Ahmad)

3-Rasool Allaah S.A.W. ne farmaaya: Beshak Aadmi Gunaah ke sabab Rizq se mehroom ho jaata hai. (Masnad Ahmad)

4-Anas Bin Maalik Rz. Se riwaayat hai ki Rasool Allaah S.A.W. ne farmaaya: Kya Mai tumhe tumhaari Beemaari aur Dawaa na batlaa dun?
Sunlo ki tumhaari Beemaari Gunaah hain aur tumhaari dawa Astaghfaar hai. (Bayhaqi,Targheeb)

5-Hazrat Anas Rz. Se riwaayat hai ki Rasool Allaah S.A.W. ne farmaaya:Dilon me Gunaaho ki wajah se ek Qism ka zang lag jaata hai aur uski safaai Astaghfaar hai. (Targheeb,Bayhaqi,Hayaatulmuslimeen:3.2)

6-Hazrat Abu Hurairah Rz. Se riwaayat hai ki Rasool Allaah S.A.W. ne farmaaya:Khuda ki Qasam! Mai Astaghfaar karta hoon Allaah Ta,aala se aur uski taraf rujoo jarta hoon Ek Din me 70 martaba se zyaadah. (Frooul,imaan, Bayhaqi:27)

7-Hazrat Abu Hurairah Rz. Se riwaayat hai ki Rasool Allaah S.A.W. ne farmaaya: Jis shakhs ke zimme uske bhai ka koi Haq ho Aabru ka ya kisi aur cheez ka usko aaj maaf kara lena chahiye us Din se pehle ki na Deenaar hoga na Dirham (yani Qayaamat ka din) warna nek amal uske Haq ke baqadar liya jaayega aur agar uske paas nekiyaan na hongi to doosre ke Gunaah us par laade jaayenge. (Muslim)